بۇۇ قورىتىندىسى: ازيا ەكونوميكالىق ءوسىمى كوش باستاپ تۇر

بۇۇ-نىڭ 17 قاڭتار جاريالاعان «الەمنىڭ ەكونوميكالىق جاعدايى جانە بولاشاعى» اتتى ساراپتاۋى بويىنشا، ازيا ەكونوميكاسى ءوزىنىڭ الەم الدىنداعى «جارىق نۇر» ەكەنىن جالعاستى ايگىلەۋدە. قازىرگى الەمنىڭ ەكونوميكالىق ءوسۋ قارقىنىنىڭ باياۋلاۋىنا جانە ساۋدا مەن ينۆەستيتسيا الماسۋلارىنىڭ الىسىرەۋىنە قاراماستان، ازيا ەكونوميكاسى بيىلعى جىلى دا ءوزىنىڭ تۇراقتى ءوسىمىن ساقتاپ قالادى دەپ كۇتىلۋدە. «شينحۋا»-نىڭ ساۋدا-ەكونوميكا ءىسى جونىندەگى اقپاراتتىق سايتى حابارلايدى.

كۇشتى تۇتىنۋ سۇرانىسى مەن ۇكىمەتتىڭ ەكسپورتتىق شىعىنداردى جابۋى ناتيجەسىندە، 2016 جىلى شىعىس جانە وڭتۇستىك ازيا ەكونوميكاسىنىڭ ءوسىمى 5,7 پايىزدى قۇراپ، الدىنعى جىلمەن ۇقساس كورسەتكىشتى ساقتاپ قالدى. ساراپتاما ناتيجەسى كورسەتكەندەي، وڭتۇستىك ازيا ەكونوميكالىق وسۋدە ەڭ قارقىندى ايماق بولىپ سانالادى. بۇل ايماقتىڭ 2016 جىلعى ەكونوميكالىق ءوسىمى 6,7% بولدى. جالپى ءۇندىستان ەكونوميكاسىندا ەكسپورتتىڭ از سالماقتى يەلەۋى سەبەپتى، بۇل ەلگە الەمدىك ساۋدا جانە ينۆەستيتسيا اعىمى دا از اسەر ەتەدى.  سونىڭ نەگىزىندە الداعى ەكى جىلدا ءۇندى ەكونوميكاسى 7,7% پەن 7,6% قۇرايدى دەپ بولجانىپ وتىر.

بۇۇ «الەمنىڭ ەكونوميكالىق جاعدايى جانە بولاشاعى» ساراپتاماسى ءار جىلى قاڭتار ايىندا تاراتىلادى. ونى بۇۇ-نىڭ ەكونوميكا جانە الەۋمەتتىك ماسەلەلەر دەپارتامەنتى، ساۋدا جانە دامۋ ءىسى جونىندەگى كەڭەسى، ەكونوميكا جانە الەۋمەتتىك ىستەر كوميتەتتەرى بىرلەسىپ جاسايدى. ول بۇۇ-نىڭ ماڭىزدى ەكونوميكالىق ەسەپتەرىنىڭ ءبىرى بولىپ تابىلادى. وسىدان سوڭ جاڭا ەكونوميكالىق جاعدايلارعا بايلانىستى، جىلدىڭ العاشقى جارتىسىندا قايتالاي ساراپتاۋلار جاسالادى.

"The Qazaq Times"