Memlekettik quırşaq teatrınıñ 80-şi mausımınıñ aşıluı. Foto: QT

2017 jıldıñ 5 qazanında Almatı Memlekettik quırşaq teatrınıñ  kezekti 83-şi mausımı aşıldı. Biıl teatrdıñ aşıluı jaña formatta bastaldı. Sebebi teatr wjımı bwl jolı tek quırşaqtardı ğana söyletip qana qoymay, qoğamdağı azğındıq pen körseqızarlıqtı sahnalap, körerermenge  jaña oy saludı közdeydi. 

Iran Ğayıptıñ "Böşke" draması negizinde sahnalanğan körinis. Foto: QT

Osınday maqsatpen teatrdıñ aşılu saltanatı Iran-Ğayıptıñ «Böşke» dramasınıñ negizinde rejisser Rüstem Janamanov sahnalağan körinispen bastaldı.

Sahnalanğan köriniste jartı älemdi bilep, oğan közi toymağan, "men-menmin" dep keudesin soqqan Eskendir Zwlqarnayınnıñ qazirgi beynesi beynelenedi. Tört düniesi tügel bolğan Zwlqarnayın baylıqqa masattanıp, jan-jağında ne bolıp jatqanın wmıtadı.

Ädebiet, mädeniet, önerdi bağalaudan qalğan ol tek siqırlı tar böşkeniñ işine engende ğana öziniñ ötkenin, esine alıp, ömiriniñ qwr maqtanmen ötkenin tüsinedi. Osı körinis arqılı rejisser qazirgi qoğamdağı jastardıñ ädebiet pen mädenietten alıstap bara jatqanın körsetkisi kelgendey.

"Ana jüregi" spektakli. Foto: QT

Teatr mausımınıñ aşıluında sahnalanğan ekinşi körinis "Ana jüregi" dep ataladı. Bwl körinisti sahnağa dayındağan rejisser Anton Zaycev. Körermen nazarına wsınılğan bwl spektakl' teatr tarihına qosılğan jaña tuındı.

Sahnalanğan p'esanıñ mazmwnı auır, degenmen beretin tärbiesi mol. Sebebi spektakl' kez kelgen jastağı körermenge oy salıp, jüregine iman wyalatadı.

Anadan tuğan jalğız wl joqşılıqqa könbey, qoğamda azğan jastardıñ arbauımen anasına qarsı şığadı. Altınğa, baylıqqa elirgen wl anasınıñ jan düniesin tüsinuge de tırıspaydı. Jalğız wldıñ adasqanı sonşalıq anasınıñ tuğan küninde onı tastap ketedi.

Ana bolsa tağdır aylasına aldanğan balanıñ tuğan künine qolındağı janıp twrğan jalğız balauız şıraqtı sıyğa tartqısı keledi. Alayda jalğızınıñ azabın kötere almağan ana jüregi  sol şıraqpen birge sönedi.

“The Qazaq Times”