bbcgoodfood.com

Kofe - quırılğan kofe dänderinen dayındalatın susın. Ğalımdardıñ esepteuinşe, bükil älemde är kün sayın 1,6 mlrd şını ayaq kofe işiledi eken. Osıdan-aq bwl susındı janı süyetinderdiñ qatarı köp ekenin añğaru qiın emes. Degenmen onıñ densaulıqqa keri äseri barı turalı mamandar keñesi men "kofe täueldiliginen" arılğısı kelgen adamdardıñ pikirin jii estimiz. Al bügin kofeniñ qanday paydası barın taldap köreyik. 

Mamandar kofeniñ eki artıqşılığın aytadı: birinşiden, kofe - andioksidant esebinde ağzanı ärtürli himiyalıq zattar men toksinderden tazartadı; ekinşiden, jwmıs isteu qabileti men eñbek önimdiligin arttıratın kofein (onı artıq mölşerde qoldanu ziyan). Sonday-aq kofeniñ qwramında B därumeni, kaliy men magniy bar.

Kofe ömirdi wzarta ma?

Juırda Annals of Internal Medicine ğılımi jurnalında jariyalanğan zertteude künine üş şını kofe işken adamnıñ ömir süru merzimi wzaratını jazılğan. On Europa elinen 500 mıñğa juıq adam qatısıp, 16 jılğa sozılğan zertteudiñ qorıtındısımen kelispeytin  ğalımdar, ömir süru wzaqtığına köbine äser etetin äleumettik-ekonomikalıq jağdaylar eskerilmegenin alğa tartadı.

Kofein miğa qalay äser etedi?

Kofeniñ qwramındağı kofein midıñ arnayı neyrondarın qozğalısqa keltirip, köñil-küydiñ köteriluine, jwmıs isteu qabiletiniñ artuına äser etedi. Adamnıñ miına ıqpalı sebebinen "kofe Al'cgeymer auruı men demenciya dertinen saqtandıradı" degen twjırımdar da jasalğan.

Kofeniñ birqatar paydası ğılımi türde anıqtalğanımen, onı mölşerden tıs qoldanu ziyan ekeni belgili. Därigerler ayağı auır äyelderge künine 2 şınıdan artıq kofe işuge bolmaydı dep eskertedi. Kofege, quırılğan kofe wntağınan bölek, köptegen tätti dämdeuişter, süt, qant qosılatının eskersek, bwl ağza üşin artıq kaloriya alıp keletinin tağı da wmıtpağan jön.

“The Qazaq Times”