Meksikada eriktiler qirağan ğimarattı astında qalğandardı qwtqaruda. Foto: BBC

Meksikada jer silkinisten qaza tapqandar sanı 273 adamğa jetti dep habarlaydı BBC onlayn qızmeti. Qwtqaruşılar qirandınıñ astında qalğandardı izdestirude. Küşi 7,1 ball şamasındağı jer silkinisinen onnan astam ğimarattar qirap, milliondağan adamdar elektr jarığınsız qaldı.

Eldiñ prezidenti Ernike Pen'ya N'eto «apattan zardap şekkenderdi qwtqaru eñ bastı mindet» dep bwyırıq şığardı. Qwtqaru qızmetindegiler bas qala Meksikadağı qirağan on ğimarattıñ astında «tiri qalğandar bar boluı mümkin» dep otır. Al, eldiñ oñtüstigindegi apattan qirağan Enrike Rebsamen mektebiniñ ğimaratınıñ aldında 500 äsker, 200 policiya qızmetkeri jäne eriktilerden qwralğan qwtqaru komandası toqtausız tazalau, izdeu qızmetin jalğastırğanına bir jetige jaqındadı. Atalğan orınnan jetken soñğı derekterge qarağanda 11 oquşı qwtqarılğan, alayda tağı 19 oquşı qirandı astında qaza bolğan. Qwlağan ğimarat astında tağı 6 eresek adam köz jwmğan.

Sol eldegi BBC tilşileriniñ aytuınşa, qwlağan ğimarattardıñ tağı birinde ofister bolğan, onda 30-dan astam tiri qalğan adam bar boluı mümkin dep otır.

Policiya tarauları är jerde aza bildiru qimıldarın wyımdastıruğa baqılau jasauda. Şağın türdegi tärtipsizdikterdiñ jappay tärtipsizdikterge wlasuınıñ aldın alu üşin barlau qızmetin arttırğan.

“The Qazaq Times”