Japoniya, Ündistan, AQŞ. Foto: Iblagh News.

Bir kün bwrın, Japoniya Sırtqı ister ministri Kono Taro, AQŞ Memlekettik hatşısı Reks Tillerson, Ündistan Sırtqı ister ministri Suşima Svaradja N'yu-Yorkte kezdesip, keñes ötkizdi. Üş tarap Ündi mwhitındağı Tınıq mwhit aymağındağı keybir «negizgi strategiyalıq porttarda» infraqwrılımdıq ıntımaqtastıqtı jüzege asıru turalı şeşim qabıldadı jäne teñiz qauipsizdigi salasındağı ıntımaqtastıqtı nığaytuğa kelisti. Bwl turalı «Şinhua» agenttigi habarladı.

Japoniyanıñ «Kyodo News» basılımında swhbat bergen Japoniya SİM basşısı Kono Taro: «Japoniya, AQŞ jäne Ündistan arasındağı erkin äri aşıq Ündi-Tınıq mwhitı aymağın qwru üşin ıntımaqtastıqtı nığaytatın kez keldi», – degen pikirin bildirgen.

Üş jaqtı şeşim atalğan eki mwhittıñ mañızdı strategiyalıq wstanımdarı bar jağalaudağı elderge kömek körsetu üşin, infraqwrılımdıq investiciyalar arqılı osı aymaqtağı baylanıstardı nığaytadı dep josparlanğan.

Japon ükimetiniñ lauazımdısınıñ biri, üş el arasındağı keñeste naqtı äleuetke ie porttar turalı talqılanğanın ayttı, alayda, naqtı taqırıptardı aşıp aytpağan. Kelissözder barısında Amerika Qwrama Ştattarı men Ündistan Japoniyanı «Marafon» teñiz birlesken äskeri jattığuğa twraqtı qatısuşısı retinde qarsı aldı. Ündistan tarabı Ündi mwhitındağı qauipsizdik salasındağı ıntımaqtastıqtı odan äri nığaytuğa kelisti. Taraptar üşinşi küni Korey tübegi yadrolıq mäselesi boyınşa pikir almastı.

“The Qazaq Times”