Foto: BBC.com

Facebook-ti aşqan Mark Cukerberg kompaniyasına «virtualdı şındıq» (bwdan bılay VR)  ideyasın wrladı degen  ayıp tağıldı. Soğan baylanıstı ol bügin Dallastağı sotqa öziniñ kompaniyasın qorğau üşin baradı.

ID Software  oyın studiyasına qaraytın ZeniMax Media,  Facebook kompaniyasınan $ 2 mlrd AQŞ dolların talap etip otır. ZeniMax aytuı boyınşa onıñ VR qwrılğısınıñ zañsız köşirmeleri payda bolğan. Alayda sol uaqıtta Oculus-tıñ jeke Rift dep atalatın qwrılğıların iske qosqan.

Oculus-tı Cukerbergtiñ kompaniyası 2014 jılı satıp alğan jäne aldağı 10 jıl köleminde qoldanısta boladı dep josparlanğan.    Mark Cukerberg bılay deydi:   «Oculus jäne onıñ öndiruşileri, bwl jwmısqa biraz uaqıtı men qıruar qarajatın böldi. Özge kompaniyalardıñ eñbegin eşbir eñbeksiz, täjiribesiz, sot procesin paydalanıp tartıp alamız deui bizdi tañ qaldırdı». Sot qwjattarına säykes: «Karmak ZeniMax-qa tiesili intellektualdı menşik ob'ektilerin jasırın jäne zañsız qwjattardı köşirgen».Ötken aptada, sot otırısında Zenimax advokatı Toni Sammi osı is turalı  «tehnologiyalıq  wrlıqtıñ eñ ülkeni» dep aytqan. Alayda, oğan Karmaktıñ öz jauabı bar. Ol kelisimşartı boyınşa özge bäsekeles emes kompaniyalarmen jwmıs jasay beretindingin jetkizdi. Mark Cukerberg qatısatın sot otırısı bügin boladı.

«The Qazaq Times»