Erdoğan QR prezidentiniñ qabıldauı kezinde. Foto: Radio Azattık.

NATO men Türkiya arasındağı talastı mäseleniñ biri Reseydiñ S-400 qorğanıs jüyelerin Türkiyanıñ satıp alu isi bolatın. Bwl mäselede NATO müşeleri «reseylik qorğanıs jüyeleri wyımnıñ strategiyalıq qauipsizdigine qater töndiredi» dep qarap, Türkiyanıñ reseylik äue qorğanıs jüyesin satıp aluına qarsı bolıp kelgen. Al, Türkiya jaq özderiniñ saralau tobınıñ zertteu qortındısın alğa tartıp, bwnıñ tek qorğanıs üşin ğana paydalanılatının aytqan edi.

Türkiyanıñ «Anatolı» aqparattıq agenttiginiñ habarına qarağanda, bir kün bwrın türik eliniñ basşısı Rejep Tayıp Erdoğan reseylik S-400 qorğanıs jüyesin satıp alu kelisimine qol qoyğanın jariya etken. Bwl turalı türik basşısı Qazaqstanda bolıp ötken IIW-nıñ sammitinde jurnalisterdiñ swrağına jauap bergen kezde mälimdegen. Ol sözinde: «Elimizdi qorğau üşin qauipsizdik saqtau qwrılğıların özimiz aluğa tiispiz. Türkiya özin-özi qorğau üşin qauipsizdikti saqtau şaraların nığaytu isine eşkim dau-damay tuğıza almaydı. Qorğanıs jüyelerin satıp alumen qatar Türkiya jaq öziniñ de äskeri önerkäsibin arttıra tüsetinin boladı», – dedi.

Türik eliniñ basşısı sözinde: «Är-türli äue kölikterin jasauğa qabiletti bolğan Türkiya, öziniñ äleuetin terrorizmge qarsı küreste anıq tanıtıp keledi. Aytalıq, soñğı bir aptada Türkiya ÄÄK-i 90 terroristi joydı», – dedi.

Esteriñizge sala keteyik, Türkiya jaq «Reseydiñ äue qorğanıs jüyelerin satıp alu şeşimin Süriyadağı türli küşterden qauip töngen kezde, NATO äue qorğanıs jüyeleri Türkiyağa uaqıtında kömek körsetpegeni üşin qabıldadıq» degen bolatın.

“The Qazaq Times”