تۇركيا پرەزيدەنتى S-400 جۇيەسىن ساتىپ الۋعا قول قويعانىن استانا ساپارى كەزىندە ايتتى

ناتو مەن تۇركيا اراسىنداعى تالاستى ماسەلەنىڭ ءبىرى رەسەيدىڭ S-400 قورعانىس جۇيەلەرىن تۇركيانىڭ ساتىپ الۋ ءىسى بولاتىن. بۇل ماسەلەدە ناتو مۇشەلەرى «رەسەيلىك قورعانىس جۇيەلەرى ۇيىمنىڭ ستراتەگيالىق قاۋىپسىزدىگىنە قاتەر توندىرەدى» دەپ قاراپ، تۇركيانىڭ رەسەيلىك اۋە قورعانىس جۇيەسىن ساتىپ الۋىنا قارسى بولىپ كەلگەن. ال، تۇركيا جاق وزدەرىنىڭ سارالاۋ توبىنىڭ زەرتتەۋ قورتىندىسىن العا تارتىپ، بۇنىڭ تەك قورعانىس ءۇشىن عانا پايدالانىلاتىنىن ايتقان ەدى.

تۇركيانىڭ «اناتولى» اقپاراتتىق اگەنتتىگىنىڭ حابارىنا قاراعاندا، ءبىر كۇن بۇرىن تۇرىك ەلىنىڭ باسشىسى رەجەپ تايىپ ەردوعان رەسەيلىك S-400 قورعانىس جۇيەسىن ساتىپ الۋ كەلىسىمىنە قول قويعانىن جاريا ەتكەن. بۇل تۋرالى تۇرىك باسشىسى قازاقستاندا بولىپ وتكەن يىۇ-نىڭ سامميتىندە جۋرناليستەردىڭ سۇراعىنا جاۋاپ بەرگەن كەزدە مالىمدەگەن. ول سوزىندە: «ەلىمىزدى قورعاۋ ءۇشىن قاۋىپسىزدىك ساقتاۋ قۇرىلعىلارىن ءوزىمىز الۋعا ءتيىسپىز. تۇركيا ءوزىن-ءوزى قورعاۋ ءۇشىن قاۋىپسىزدىكتى ساقتاۋ شارالارىن نىعايتۋ ىسىنە ەشكىم داۋ-داماي تۋعىزا المايدى. قورعانىس جۇيەلەرىن ساتىپ الۋمەن قاتار تۇركيا جاق ءوزىنىڭ دە اسكەري ونەركاسىبىن ارتتىرا تۇسەتىنىن بولادى»، – دەدى.

تۇرىك ەلىنىڭ باسشىسى سوزىندە: «ءار-ءتۇرلى اۋە كولىكتەرىن جاساۋعا قابىلەتتى بولعان تۇركيا، ءوزىنىڭ الەۋەتىن تەرروريزمگە قارسى كۇرەستە انىق تانىتىپ كەلەدى. ايتالىق، سوڭعى ءبىر اپتادا تۇركيا ااك-ءى 90 تەرروريستى جويدى»، – دەدى.

ەستەرىڭىزگە سالا كەتەيىك، تۇركيا جاق «رەسەيدىڭ اۋە قورعانىس جۇيەلەرىن ساتىپ الۋ شەشىمىن سۇرياداعى ءتۇرلى كۇشتەردەن قاۋىپ تونگەن كەزدە، ناتو اۋە قورعانىس جۇيەلەرى تۇركياعا ۋاقىتىندا كومەك كورسەتپەگەنى ءۇشىن قابىلدادىق» دەگەن بولاتىن.

“The Qazaq Times”