BWW Qauipsizdik keñesinde Soltüstik Koreyanı jazalauğa dauıs berilude. Foto: timesofisrael.com.

Soltüstik Koreya tağı bir märte qwrlıqaralıq ballistikalıq zımıran sınağına dayındalıp otır. Şamamen osı aptanıñ soñğı künderinde zımıran sınağın qaytalaytını turalı Oñtüstik Koreya qorğanıs küşteri mälimet jasadı. Bwl turalı «The New York Times» basılımınıñ tañğı jañalıqtar toptamasında habarlandı.

Osı aptada Soltüstik Koreya yadrolıq sınaqtıñ sätti ötkenine jäne oğan qatısqan zertteuşiler men ğalımdardıñ qwrmetine ortalıq qalası Pioñyañda (Phen'yan) kölemdi merekelik is şara ötkizgen bolatın.

Qazirgi kezde Qwrama Ştat tarabı BWW Qauipsizdik keñesinen Soltüstik Koreyağa qarata naqtı äreketpen jauap qaytaru turalı kelisim swrap otır. Qauipsizdik keñeste AQŞ-tıñ bwl talabı dauısqa salınu üstinde. YAğni, BWW Qauipsizdik keñesi kelisimin beretin bolsa, AQŞ-tıñ mwnay tasımalına şekteu qoyuı eñ qatal qısımnıñ tek biri ğana boladı. Bwdan bölek Soltüstik Koreya kemelerine teñizde tosqauıl jasau, eldiñ eñ joğarı basşısı Kim Joñ Unnıñ (Kim Çen In/Kim Jong Un) aktivterin mwzdatu qatarlı şekteu şaraları da bar.

Dese de, Japon bas uäziri (prem'er-ministri) Şinzo Abemen (Shinzo Abe) kezdesken kezde, Resey prezidenti Vladimir Putin KHDR-ğa bağıttalğan qatañ qısımğa tübegeyli qarsı ekenin bildirgen. Qauipsizdik keñesinde talqığa salınatın qatañ qısım şaralarına Qıtay men Resey qarsı twruı mümkin dep kütilude.

“The Qazaq Times”