سولتۇستىك كورەيا تاعى ءبىر مارتە قۇرلىقارالىق بالليستيكالىق زىمىران سىناعىنا دايىندالىپ وتىر. شامامەن وسى اپتانىڭ سوڭعى كۇندەرىندە زىمىران سىناعىن قايتالايتىنى تۋرالى وڭتۇستىك كورەيا قورعانىس كۇشتەرى مالىمەت جاسادى. بۇل تۋرالى «The New York Times» باسىلىمىنىڭ تاڭعى جاڭالىقتار توپتاماسىندا حابارلاندى.
وسى اپتادا سولتۇستىك كورەيا يادرولىق سىناقتىڭ ءساتتى وتكەنىنە جانە وعان قاتىسقان زەرتتەۋشىلەر مەن عالىمداردىڭ قۇرمەتىنە ورتالىق قالاسى پيوڭياڭدا (پحەنيان) كولەمدى مەرەكەلىك ءىس شارا وتكىزگەن بولاتىن.
قازىرگى كەزدە قۇراما شتات تارابى بۇۇ قاۋىپسىزدىك كەڭەسىنەن سولتۇستىك كورەياعا قاراتا ناقتى ارەكەتپەن جاۋاپ قايتارۋ تۋرالى كەلىسىم سۇراپ وتىر. قاۋىپسىزدىك كەڭەستە اقش-تىڭ بۇل تالابى داۋىسقا سالىنۋ ۇستىندە. ياعني، بۇۇ قاۋىپسىزدىك كەڭەسى كەلىسىمىن بەرەتىن بولسا، اقش-تىڭ مۇناي تاسىمالىنا شەكتەۋ قويۋى ەڭ قاتال قىسىمنىڭ تەك ءبىرى عانا بولادى. بۇدان بولەك سولتۇستىك كورەيا كەمەلەرىنە تەڭىزدە توسقاۋىل جاساۋ، ەلدىڭ ەڭ جوعارى باسشىسى كيم جوڭ ۋننىڭ (كيم چەن ىن/Kim Jong Un) اكتيۆتەرىن مۇزداتۋ قاتارلى شەكتەۋ شارالارى دا بار.
دەسە دە، جاپون باس ءۋازىرى (پرەمەر-ءمينيسترى) شينزو ابەمەن (Shinzo Abe) كەزدەسكەن كەزدە، رەسەي پرەزيدەنتى ۆلاديمير پۋتين كحدر-عا باعىتتالعان قاتاڭ قىسىمعا تۇبەگەيلى قارسى ەكەنىن بىلدىرگەن. قاۋىپسىزدىك كەڭەسىندە تالقىعا سالىناتىن قاتاڭ قىسىم شارالارىنا قىتاي مەن رەسەي قارسى تۇرۋى مۇمكىن دەپ كۇتىلۋدە.
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى
يەمەن سوعىسىنىڭ جاڭا كەزەڭى: وڭتۇستىكتەگى قاقتىعىس جانە ايماقتىق دەرجاۆالاردىڭ ويىنى
بەيبىتشىلىككە بوگەت بولعان لوگيكا: ۋكراينا–رەسەي سوعىسىنىڭ شەشىلمەيتىن ءتۇيىنى
نارازىلىقتىڭ ءتۇپ-توركىنى: يران قوعامىن الاڭعا شىعارعان نەگىزگى سەبەپتەر
ازەربايجاننىڭ باتىل مالىمدەمەلەرى كرەملگە قانداي بەلگى بەرەدى؟