Futboldan Özbekstan wlttıq qwramasınıñ bas bapkeri Samvel Babayan.Foto: Sputnik Armeniya

Futboldan Özbekstan wlttıq qwramasınıñ bas bapkeri Samvel Babayan jwmısınan bosatıldı.

Özbekstan Futbol Federaciyasınıñ saytında jariyalanğan resmi mälimdemede: «Biz Samvel Babayandı 2018 jılı Reseyde ötetin älem çempionatına irikteu kezeñinde wlttıq qwrama oyınşıların dayındauda öz jwmısın tolıqtay atqara almağanı üşin jwmıstan bosattıq. Babayan Özbekstan qwraması Oñtüstik Koreyamen teñ oyın körsetkennen keyin wlttıq qwrama bas bapkeri qızmetinen alınıp tastaldı. Qazirgi tañda Babayanmen birge jwmıs jistegen bapkerler qwramı tolıqtay orındarınan ketti» - delingen.

Esteriñizge salayıq, Özbekstan qwraması 2018 jılğı älem çempionatına irikteu kezeñinde A tobında öziniñ soñğı oyının Oñtüstik Koreyağa qarsı 0:0 esebimen oynap, älem çempionatınan tıs qalğan. Bwl topta Iran men Oñtüstik Koreya ÄÇ tikeley joldama alıp, Süriya qwraması üşinşi orınmen irikteu oyındarınıñ törtinşi kezeñine şıqqan edi.

Tağı bir ayta ketetin jayt Özbekstan Futbol Federaciyası Samvel Babayandı osığan deyinde 2016 jılı olimpiada oyındarına joldama üşin ötken Aziya qwrlığı oyındarında Özbekstan qwraması Oñtüstik Koreya men Irannan wtılıp, toptan şığa almay qalğanı üşin jwmıstan quğan. Biraq keyinnen oğan qaytadan wlttıq qwrama tizginin senip tapsırğan bolatın.

“The Qazaq Times”