فۋتبولدان وزبەكستان ۇلتتىق قۇراماسىنىڭ باس باپكەرى سامۆەل بابايان.فوتو: Sputnik ارمەنيا

فۋتبولدان وزبەكستان ۇلتتىق قۇراماسىنىڭ باس باپكەرى سامۆەل بابايان جۇمىسىنان بوساتىلدى.

وزبەكستان فۋتبول فەدەراتسياسىنىڭ سايتىندا جاريالانعان رەسمي مالىمدەمەدە: «ءبىز سامۆەل باباياندى 2018 جىلى رەسەيدە وتەتىن الەم چەمپيوناتىنا ىرىكتەۋ كەزەڭىندە ۇلتتىق قۇراما ويىنشىلارىن دايىنداۋدا ءوز جۇمىسىن تولىقتاي اتقارا الماعانى ءۇشىن جۇمىستان بوساتتىق. بابايان وزبەكستان قۇراماسى وڭتۇستىك كورەيامەن تەڭ ويىن كورسەتكەننەن كەيىن ۇلتتىق قۇراما باس باپكەرى قىزمەتىنەن الىنىپ تاستالدى. قازىرگى تاڭدا بابايانمەن بىرگە جۇمىس جىستەگەن باپكەرلەر قۇرامى تولىقتاي ورىندارىنان كەتتى» - دەلىنگەن.

ەستەرىڭىزگە سالايىق، وزبەكستان قۇراماسى 2018 جىلعى الەم چەمپيوناتىنا ىرىكتەۋ كەزەڭىندە ا توبىندا ءوزىنىڭ سوڭعى ويىنىن وڭتۇستىك كورەياعا قارسى 0:0 ەسەبىمەن ويناپ، الەم چەمپيوناتىنان تىس قالعان. بۇل توپتا يران مەن وڭتۇستىك كورەيا ءاچ تىكەلەي جولداما الىپ، ءسۇريا قۇراماسى ءۇشىنشى ورىنمەن ىرىكتەۋ ويىندارىنىڭ ءتورتىنشى كەزەڭىنە شىققان ەدى.

تاعى ءبىر ايتا كەتەتىن جايت وزبەكستان فۋتبول فەدەراتسياسى سامۆەل باباياندى وسىعان دەيىندە 2016 جىلى وليمپيادا ويىندارىنا جولداما ءۇشىن وتكەن ازيا قۇرلىعى ويىندارىندا وزبەكستان قۇراماسى وڭتۇستىك كورەيا مەن يراننان ۇتىلىپ، توپتان شىعا الماي قالعانى ءۇشىن جۇمىستان قۋعان. بىراق كەيىننەن وعان قايتادان ۇلتتىق قۇراما تىزگىنىن سەنىپ تاپسىرعان بولاتىن.

“The Qazaq Times”