D. Medvedev forumında (ortada). Foto: The Russian Government

Mäskeude «Resey jäne älem: jaña talğam» attı  Resey ekonomikası twraqtı damuınıñ tıñ joldarı jäne basqa da mäseleleri töñireginde ötip jatqan «Gaydar forumı» märesine jetti. (CNFIN.COM\XINHUA08.COM)

Atalğan forum Resey ekonomikasınıñ damuınıñ tıñ joldarın qarastıru maqsatında ötkizilgen. Üş künge jalğasqan talqı-keñes Resey ekonomikasına serpin beru jäne basqa da sauda-ekonlmikalıq mäselelerdi talqılaudı maqsat etti.

Resey prem'eri D. Med'vedevtiñ furımda söylengen sözinde: «reformalıq damu josparın reformalau Reseydiñ aldağı 15 jılı üşin asa mañızdı. Resey ekonomikasınıñ jedel damuı men kemeldenuine aqşa-kredit bağdarlamaları men salıq-byujettik bağdarlamalarğa süyenu tım jetkiliksiz. Biz salıq jüyesin rettep, ozıq cifrlı ekonomika qwruımız kerek. Ekonomikalıq qwrlımdı damıtıp, şaruaşılıq isterine memlekettiñ aralasuın azaytuımız kerek», - dedi.

Resey prem'er-ministriniñ birinşi orınbasarı Igor' Şuvalov talqıda, V.Putinnıñ 2019 jılğa deyin Resey ekonomikasınıñ ösimi älemdik ortaşa deñgeyden asuı kerek degen tapsırmasın ayta kelip, bwl mindetti orındau üşin Resey ükimeti naurız ayınan bastap keşendi is-qimıl josparın jüzege asıradı, onıñ işinde memleket qwrlımın reformalau da qamtılatındığın ayttı. Bwl jospar kölemine jekeşelendiru procesin jeteldetu, investiciya tartu jäne 330 mıñ orta-şağın biznesti jebeu sındı josparlar enedi. 2018 jılı şikizat eksportın 15 payızğa deyin ösirudi josparlap otır.

Forumğa qatısuşılar bir auızdan biılğı jılı Resey ekonmomikasınıñ damuı qarqın almaydı dep otır. Sebebi, europalıq sankciya jalğasın tabuı mümkin. Resey ekonomikalıq damu ministriniñ aytuınşa, bwl jılı Reseydegi jwmıssızdar sanınıñ ösui birşama az boladı. Naqtı tabıs tabu jedeldey bastaydı. Ekonomikalıq ösim jıldıñ bastapqı jartısında 1 payız, keyingi jartısında 2 payız boluı mümkin dep otır.

Biraq, eki jıldan beri qwldırap kele jatqan Resey ekonomikasında qordalanğan mäseleler az emes. Zeynetaqı qorındağı jäne zeynetaqı jasınıñ wzartıluı sındı mäselelr äli de şeşim jasaudı kütip twr. Resey prem'e-ministriniñ äleumettik isterge jauaptı orınbasarı Golo Gerctıñ aytuınşa, eki jıldan beri eli işinde jwmıspen qamtudıñ tömendeuinen, qalağa ağılğan adamdar qalalar jan sanın kürt arttırğan.  Sonımen qatar, reseylik 1,5 million bilikti maman jwmısqa baylanıstı şetelge qonıs audarğan.

Reseydiñ bwl forumdı ötkizuiniñ bastı sebebi, osınday ekonomikalıq, äleumettik mäselelerdi şeşu joldarın qarastıru bolatın. Qazba baylıqtarı, tabiği resurstarınıñ moldığına qaramay, Batıs elderiniñ sankciyasınan keyin Resey ekonomikası osınşalıq qwldırauğa wşırap otır. Resey jaq bwl tığırıqtan şığudı özine jasalğan sankciyanı jeñildetu joldarınan emes, qayta ekonomikanıñ özinen qarastırıp otırğanı qanşalıqtı önimdi bolatının aldağı uaqıt körsetedi.

"The Qazaq Times"