رەسەي ەكونوميكالىق تىعىرىقتان شىعۋعا تىرىسىپ جاتىر

ماسكەۋدە «رەسەي جانە الەم: جاڭا تالعام» اتتى  رەسەي ەكونوميكاسى تۇراقتى دامۋىنىڭ تىڭ جولدارى جانە باسقا دا ماسەلەلەرى توڭىرەگىندە ءوتىپ جاتقان «گايدار فورۋمى» مارەسىنە جەتتى. (CNFIN.COM\XINHUA08.COM)

اتالعان فورۋم رەسەي ەكونوميكاسىنىڭ دامۋىنىڭ تىڭ جولدارىن قاراستىرۋ ماقساتىندا وتكىزىلگەن. ءۇش كۇنگە جالعاسقان تالقى-كەڭەس رەسەي ەكونوميكاسىنا سەرپىن بەرۋ جانە باسقا دا ساۋدا-ەكونلميكالىق ماسەلەلەردى تالقىلاۋدى ماقسات ەتتى.

رەسەي پرەمەرى د. مەدۆەدەۆتىڭ فۋرىمدا سويلەنگەن سوزىندە: «رەفورمالىق دامۋ جوسپارىن رەفورمالاۋ رەسەيدىڭ الداعى 15 جىلى ءۇشىن اسا ماڭىزدى. رەسەي ەكونوميكاسىنىڭ جەدەل دامۋى مەن كەمەلدەنۋىنە اقشا-كرەديت باعدارلامالارى مەن سالىق-بيۋجەتتىك باعدارلامالارعا سۇيەنۋ تىم جەتكىلىكسىز. ءبىز سالىق جۇيەسىن رەتتەپ، وزىق تسيفرلى ەكونوميكا قۇرۋىمىز كەرەك. ەكونوميكالىق قۇرلىمدى دامىتىپ، شارۋاشىلىق ىستەرىنە مەملەكەتتىڭ ارالاسۋىن ازايتۋىمىز كەرەك»، - دەدى.

رەسەي پرەمەر-ءمينيسترىنىڭ ءبىرىنشى ورىنباسارى يگور شۋۆالوۆ تالقىدا، ۆ.پۋتيننىڭ 2019 جىلعا دەيىن رەسەي ەكونوميكاسىنىڭ ءوسىمى الەمدىك ورتاشا دەڭگەيدەن اسۋى كەرەك دەگەن تاپسىرماسىن ايتا كەلىپ، بۇل مىندەتتى ورىنداۋ ءۇشىن رەسەي ۇكىمەتى ناۋرىز ايىنان باستاپ كەشەندى ءىس-قيمىل جوسپارىن جۇزەگە اسىرادى، ونىڭ ىشىندە مەملەكەت قۇرلىمىن رەفورمالاۋ دا قامتىلاتىندىعىن ايتتى. بۇل جوسپار كولەمىنە جەكەشەلەندىرۋ پروتسەسىن جەتەلدەتۋ، ينۆەستيتسيا تارتۋ جانە 330 مىڭ ورتا-شاعىن بيزنەستى جەبەۋ سىندى جوسپارلار ەنەدى. 2018 جىلى شيكىزات ەكسپورتىن 15 پايىزعا دەيىن ءوسىرۋدى جوسپارلاپ وتىر.

فورۋمعا قاتىسۋشىلار ءبىر اۋىزدان بيىلعى جىلى رەسەي ەكونموميكاسىنىڭ دامۋى قارقىن المايدى دەپ وتىر. سەبەبى، ەۋروپالىق سانكتسيا جالعاسىن تابۋى مۇمكىن. رەسەي ەكونوميكالىق دامۋ ءمينيسترىنىڭ ايتۋىنشا، بۇل جىلى رەسەيدەگى جۇمىسسىزدار سانىنىڭ ءوسۋى ءبىرشاما از بولادى. ناقتى تابىس تابۋ جەدەلدەي باستايدى. ەكونوميكالىق ءوسىم جىلدىڭ باستاپقى جارتىسىندا 1 پايىز، كەيىنگى جارتىسىندا 2 پايىز بولۋى مۇمكىن دەپ وتىر.

بىراق، ەكى جىلدان بەرى قۇلدىراپ كەلە جاتقان رەسەي ەكونوميكاسىندا قوردالانعان ماسەلەلەر از ەمەس. زەينەتاقى قورىنداعى جانە زەينەتاقى جاسىنىڭ ۇزارتىلۋى سىندى ماسەلەلر ءالى دە شەشىم جاساۋدى كۇتىپ تۇر. رەسەي پرەمە-ءمينيسترىنىڭ الەۋمەتتىك ىستەرگە جاۋاپتى ورىنباسارى گولو گەرتستىڭ ايتۋىنشا، ەكى جىلدان بەرى ەلى ىشىندە جۇمىسپەن قامتۋدىڭ تومەندەۋىنەن، قالاعا اعىلعان ادامدار قالالار جان سانىن كۇرت ارتتىرعان.  سونىمەن قاتار، رەسەيلىك 1,5 ميلليون بىلىكتى مامان جۇمىسقا بايلانىستى شەتەلگە قونىس اۋدارعان.

رەسەيدىڭ بۇل فورۋمدى وتكىزۋىنىڭ باستى سەبەبى، وسىنداي ەكونوميكالىق، الەۋمەتتىك ماسەلەلەردى شەشۋ جولدارىن قاراستىرۋ بولاتىن. قازبا بايلىقتارى، تابيعي رەسۋرستارىنىڭ مولدىعىنا قاراماي، باتىس ەلدەرىنىڭ سانكتسياسىنان كەيىن رەسەي ەكونوميكاسى وسىنشالىق قۇلدىراۋعا ۇشىراپ وتىر. رەسەي جاق بۇل تىعىرىقتان شىعۋدى وزىنە جاسالعان سانكتسيانى جەڭىلدەتۋ جولدارىنان ەمەس، قايتا ەكونوميكانىڭ وزىنەن قاراستىرىپ وتىرعانى قانشالىقتى ءونىمدى بولاتىنىن الداعى ۋاقىت كورسەتەدى.

"The Qazaq Times"