Foto: Reuters

M'yanmadağı bilik ökilderiniñ jergilikti Rohindja mwsılmandarına qarsı wyımdastırğan genocidten bas sauğalağan mıñdağan azamat Bangladeş jağalauındağı bosqındar lagerine kün sayın tolıssız ağılıp jatır. Bwl turalı "Äl-Jazira" aqparattıq agenttigi jazdı.

BWW-nıñ bosqındar jönindegi agenttiginiñ qızmetkeri Vivian Tannıñ aytuınşa,  Rohindja mwsılmandarına qarsı jappay zorlıq-zombılıq aktileri bastalğan 25 tamızdan beri on künniñ işinde  ömirin saqtap qalu üşin Bangladeşti panalağandardıñ sanı 73 mıñğa jetken.

Bangladeştiñ bosqındarğa arnalğan lager'leri lıq tolı. Vivian Tan M'yanmadan ömirin qwtqarıp qalu maqsatında mwnda kelip jatqan mwsılmandardıñ jağdayları auır ekenin aytadı. "Olardıñ köbi birneşe kün qatarınan as işpegen. Jaralanğandar men şwğıl medicinalıq kömekti qajet etetin adamdar köp", - deydi ol.

M'yanmanıñ bilik ökilderi "Arakandı qwtqaru armiyası" atanğan Rohindja mwsılmandarı jergilikti buddisterge qarsı küş qoldanu äreketin birinşi bastağanın alğa tartıp otırğanımen, jappay qırıp-joyudan şekara asıp, qaşıp qwtılğan bosqındar Birma basşılığınıñ negizgi maqsatı - mwsılmandardı elden quu ekenin jetkizdi.

Esteriñizge sala keteyik, osı jıldıñ tamız ayında M'yanmadağı Arakan aymağın mekendeytin Rohindja mwsılmandarınıñ auıldarın örtep, adamdarın jappay qırıp-joyu äreketteri bolğan bolatın. Qazir de jalğasıp jatqan ayausız genocidke qarsı BWW äli eşqanday şara qoldanbay otır. Ärtürli basılımdardıñ habarlauınşa, qwrban bolğan beybit twrğındardıñ sanı 400-ge juıqtağan. M'yanmağa eşqanday qwqıq qorğau wyımdarı men jurnalisterdi kirgizbey otırğandıqtan, naqtı resmi derekter joq. 2012 jılı däl osınday mwsılmandarğa qarsı zorlıq-zombılıq oqiğası bolğan kezde, 43 rohindjalıq köz jwmğan edi.

“The Qazaq Times”