AQŞ prezidenti Donal'd Tramp Özbekstan basşısı Şavkat Mirzieevtı Täuelsizdik merekesimen qwttıqtadı, dep habarlaydı Özbekstan prezidentiniñ baspasöz qızmeti.

1-şi qırküyek Özbekstan Respublikasınıñ täuelsizdik künine oray AQŞ prezidenti Donal'd Tramp Şavkat Mirzieevqa resmi hat joldağan. Ol hatta: «Amerika halqınıñ atınan sizdi jäne Özbekstan halqın täuelsizdiktiñ 26 jıldığımen qwttıqtaymın. Wlttıq merekeleriñizben qwttıqtay otırıp, men sizdiñ prezident bolğanıñızğa bir jıl toluına oray aldağı uaqıtta eki el arasındağı qarım-qatınastı damıtuğa, birlesip jwmıs isteuge äzir ekenimdi aytqım keledi. Biz Özbekstannıñ aymaqtıq qauipsizdigine jäne eldi demokratiyalandıruğa baylanıstı bastamaların qaşanda qoldaymız. Sizge jäne özbek halqına el täuelsizdiginiñ 26 jıldığın öz därejesinde atap ötuge tilektespin» - degen.

Ayta ketetin bir jayt, Şavkat Mirzieev bilik basına kelgeli beri Resey men AQŞ arasındağı Özbekstan üşin talas odan äri örşi tüsken. Biraq Mirzieev bilik basına kelgen bir jıl işinde eki eldiñ de ırqına jığılmay beytarap sayasat wstanıp keledi. Osığan qarağanda bolaşaqta Özbekstannıñ sırtqı sayasattağı wstanımı Qazaqstan sındı köp vektorlı qarım-qatınasqa qwrılatın tärizdi.

“The Qazaq Times”