Foto: egemen.kz

Twrğın üy qwrılıs jinaq bankiniñ salımşıları Astanada «Millenium Park-2» (14-blok, 2-tañba) twrğın üy keşenindegi salınıp jatqan päterlerdi satıp aluşılardıñ pulına qatısu üşin ötiniş bere aladı, dep habarlaydı banktiñ baspasöz qızmeti. 

Keşen Astanadağı Täuelsizdik alañınıñ mañında «Öz üyim» bağdarlamasınıñ boyınşa salınıp jatır. Qwrılıs 2018 jılı aqpan ayınıñ soñında ayaqtaladı dep josparlanğan. Al qazir bank klientteri üleskerlik qwrılıs qatısuşısı atanıp, twñğış ret bolaşaq päterdi kepil retinde paydalana otırıp nesie resimdey aladı.

Üleskerlik jobağa qatısu qauipsizdigin Twrğın üy qwrılısın kepildendiru qorı («Bäyterek» holdinginiñ enşiles wyımı) qamtamasız etedi. Wyım qwrılıs jürgizuşilermen qajet kelisim-şart bekitti. Kepil jağdayı tuındasa, yağni qwrılıs iesi bankrotqa wşırasa, aqşa maqsatsız jwmsalsa, paydalanuğa beru merzimi saqtalmasa, Kepildendiru qorı qwrılıstı ayaqtaydı.

«Millenium Park-2» (14-blok, 2-tañba) twrğın üy keşenindegi päterler negizgi dayarlığı ayaqtalğan türde boladı jäne jaylılıqtıñ 4-klasına say keledi. Barlığı bank klientterine 100 päter bölinip otır. 1 şarşı metriniñ bağası 290 000 teñgeni qwraydı. Bwl – TÜQJB salımşılarına arnalğan arnayı bağa, atalğan päterlerdiñ narıqtağı qwnı bwdan äldeqayda joğarı.

Päter satıp alu pulına qatısu turalı ötinişti 2017 jıldıñ 27 qırküyegine deyin beruge boladı. Ol üşin TÜQJB internet-resursındağı «Jeke kabinet/Internet-banking» bölimine kiru qajet. Ötiniş bergen kezde salımşınıñ şotında kem degende 500 000 teñge boluı tiis. Bank klienti päter satıp alu pulına kirip jatsa, tölem qabilettiligin rastau sätinde onıñ depozitinde üy bağasınıñ 50%-ı boluı kerek. Jetpeytin somanı bank jıldıq mölşerlemesi 3,5-5% bolatın twrğın üy zaemı nemese jıldıq mölşerlemesi 7,5-8,5% bolatın aralıq zaem türinde beredi.

“The Qazaq Times”