Foto: turkystan.kz

Jinaqtauşı zeynetaqı qorlarındağı zeynetaqı aktivterin şoğırlandıru nätijesinde «BJZQ» AQ portfeline obligaciyalardıñ ataulı qwnı boyınşa 161,45 mlrd teñgege 32 emitenttiñ problemalıq qarjı qwraldarı ötkizildi.  Bwl turalı zeynetaqı qorınıñ baspasöz qızmeti habarladı. 

Zeynetaqı qorınıñ mälimetinşe, obligaciyalardıñ ataulı qwnı boyınşa bereşekterdiñ jalpı soması 2014 jıldan beri 161,45 mlrd teñgeden 36,45 mlrd teñgege deyin azayğan. Al problemalıq emitentterdiñ sanı 32-den 19 kompaniyağa qısqardı.

"Eki kompaniya boyınşa bereşek tolığımen öteldi (ataulı qwnı boyınşa 1,3 mlrd teñge). Tört kompaniya boyınşa bankrotqa wşırau jäne taratılu räsiminiñ ayaqtaluına baylanıstı qarjı qwraldarı esepten şığarıldı (ataulı qwnı boyınşa 10,2 mlrd teñge).Jeti kompaniya boyınşa bereşek qayta qwrılımdaldı/retteldi (ataulı qwnı boyınşa 113,4 mlrd teñge)", - delingen baspasöz habarlamasında.

Qordıñ aqparatınşa, emitentterdiñ köpşiligi defoltqa 2006-2010 jıldar aralığında jol bergen.

2016 jılı ataulı qwnı boyınşa bereşek soması 4,1 mlrd teñgege 2 emitenttiñ defoltı tirkeldi. Olar:

  • «Imstal'kon» AQ;
  • SAMARCO Mineracao S.A. (Braziliya).

2017 jılğı 1 tamızdağı jağday boyınşa zeynetaqı Qorı defoltqa jol bergen 21 emitentke qatıstı ataulı qwnı boyınşa 40,5 mlrd teñge bolatın bereşekti (zeynetaqı aktivteriniñ 0,6 payızınan tömen) qaytaru jwmıstarın jürgizip jatır. Bwl emitentterdiñ qarjı qwraldarı zeynetaqı aktivteriniñ qwramına kiredi.

“The Qazaq Times”