فوتو: turkystan.kz

جيناقتاۋشى زەينەتاقى قورلارىنداعى زەينەتاقى اكتيۆتەرىن شوعىرلاندىرۋ ناتيجەسىندە «بجزق» اق پورتفەلىنە وبليگاتسيالاردىڭ اتاۋلى قۇنى بويىنشا 161,45 ملرد تەڭگەگە 32 ەميتەنتتىڭ پروبلەمالىق قارجى قۇرالدارى وتكىزىلدى.  بۇل تۋرالى زەينەتاقى قورىنىڭ ءباسپاسوز قىزمەتى حابارلادى. 

زەينەتاقى قورىنىڭ مالىمەتىنشە، وبليگاتسيالاردىڭ اتاۋلى قۇنى بويىنشا بەرەشەكتەردىڭ جالپى سوماسى 2014 جىلدان بەرى 161,45 ملرد تەڭگەدەن 36,45 ملرد تەڭگەگە دەيىن ازايعان. ال پروبلەمالىق ەميتەنتتەردىڭ سانى 32-دەن 19 كومپانياعا قىسقاردى.

"ەكى كومپانيا بويىنشا بەرەشەك تولىعىمەن وتەلدى (اتاۋلى قۇنى بويىنشا 1,3 ملرد تەڭگە). ءتورت كومپانيا بويىنشا بانكروتقا ۇشىراۋ جانە تاراتىلۋ ءراسىمىنىڭ اياقتالۋىنا بايلانىستى قارجى قۇرالدارى ەسەپتەن شىعارىلدى (اتاۋلى قۇنى بويىنشا 10,2 ملرد تەڭگە).جەتى كومپانيا بويىنشا بەرەشەك قايتا قۇرىلىمدالدى/رەتتەلدى (اتاۋلى قۇنى بويىنشا 113,4 ملرد تەڭگە)", - دەلىنگەن ءباسپاسوز حابارلاماسىندا.

قوردىڭ اقپاراتىنشا، ەميتەنتتەردىڭ كوپشىلىگى دەفولتقا 2006-2010 جىلدار ارالىعىندا جول بەرگەن.

2016 جىلى اتاۋلى قۇنى بويىنشا بەرەشەك سوماسى 4,1 ملرد تەڭگەگە 2 ەميتەنتتىڭ دەفولتى تىركەلدى. ولار:

  • «يمستالكون» اق;
  • SAMARCO Mineracao S.A. (برازيليا).

2017 جىلعى 1 تامىزداعى جاعداي بويىنشا زەينەتاقى قورى دەفولتقا جول بەرگەن 21 ەميتەنتكە قاتىستى اتاۋلى قۇنى بويىنشا 40,5 ملرد تەڭگە بولاتىن بەرەشەكتى (زەينەتاقى اكتيۆتەرىنىڭ 0,6 پايىزىنان تومەن) قايتارۋ جۇمىستارىن جۇرگىزىپ جاتىر. بۇل ەميتەنتتەردىڭ قارجى قۇرالدارى زەينەتاقى اكتيۆتەرىنىڭ قۇرامىنا كىرەدى.

“The Qazaq Times”