Foto: Kapital.kz

Qazaqstan ekonomikasındağı twraqsızdıq eldiñ käsipkerlik belsendiligine äser etip otır. Osı jıldıñ 2 toqsanındağı nätije boyınşa Qazaqstanda özin jwmıspen qamtığan qazaqstandıqtardıñ sanı 2016 jıldıñ säykes kezeñimen salıstırğanda 0,9%-ğa qısqarğan ( nemese 19 900 mıñ adam). Mwnday mälmetti  Finprom agenttigi keltirip otır.

Al jaldamalı jwmısşılardıñ sanı 1,2%-ğa nemese 76 000 adamğa köbeygen.

Statistikağa sensek, bizneste tek özine senimdiler qalğan. Qazaqstanda özin jwmıspen qamtılğan azamattar bir jıl işinde 0,3%-ğa (5,500 adam) az bolğan.

Degenmen qazirgi kezde özin jwmıspen qamtığandardıñ 86,4%-ınıñ tabısı künköris deñgeyinen äldeqayda joğarı. 2013 jıldıñ basında olardıñ sanı bar bolğanı 58,3% bolğan.

Tağı bir eskeretin jayt, qaladağı käsipkerlerdiñ tiimdilik deñgeyi 87,1% bolsa, auılda twratındardiki 85,9%-dı qwraydı. Alayda auıldı jerlerdegi özin jwmıspen qamtığan twrğındar da 2013 jılğa qarağanda aytarlıqtay jaqsı körsetkişke ie bolğan. Sebebi olardıñ belsendiligi 2013 jılı 52,7%-dı qwrağan.

Soñğı jıldarı özin jwmıspen qamtığandardıñ sanı Qazaqstannıñ 8 öñirinde köbeygen. Mısalı Almatı oblısında 2016 jıldıñ 2 toqsanına qarağanda özi üşin jwmıs isteytin azamattardıñ sanı 35 700-ge köbeygen (19,9%). Al Aqtöbe oblısındağı körsetkiş  9 600 adamğa, Şığıs Qazaqstan oblısında 9 100 adamğa köbeygen.

“The Qazaq Times”