Foto: Kapital.kz

Qazaqstannıñ eñbek narığındağı jastardıñ ülesi azayıp baradı. Osı jıldıñ 2 toqsanındağı nätije boyınşa 15-28 jas aralığındağı ekonomikalıq belsendi halıqtıñ sanı 2,1 mln adamdı qwradı. Al birinşi toqsanda olardıñ sanı 2 mln şamasında bolğan. Mwnday mälimetti Ranking.kz agenttigi keltirip otır. 

Bwl Qazaqstannıñ eñbekke qabiletti jastar sanınıñ 14 jıldağı eñ tömengi körsetkişi. 2016 jıldıñ 2 toqsanımen salıstırğanda olardıñ sanı 6,9%-ğa tömendegen. Jwmıs küşindegi jastardıñ ülesi 25,5%-dan 23,6%-ğa deyin azayğan.

Al ekonomikalıq twrğıdan belsendi halıqtıñ sanı tömengi qarqınmen bolsa da artıp keledi. Bir jılda jwmıs küşi 0,5%-ğa nemese 48 mıñ adamğa artqan.

Al jaldamalı jwmısta jastardıñ sanı aytarlıqtay azayğan. Mısalı bir jıl işinde 15-28 jas aralığındağı jaldamalı jwmısşılardıñ sanı 9,1%-ğa nemese  153,5 mıñ adamğa kemigen.

Sebebi ekonomikalıq belsendi jastar özin jwmıspen qamtu bağıtın jii tañdağan. Bir jılda özin jwmıspen qamtığan qazaqstandıq jastardıñ sanı 1,1%-ğa nemese 5,2 mıñ adamğa ösken.

Ayta keteyik, resmi statistikağa süyensek Qazaqstanda jwmıssızdar sanı 4,9%-dı qwraydı. Alayda beyresmi statistika men kündelikti jwmıssız jürgen adamdardı körgende olardıñ sanı osınşa az körsetkişke ie ekenine senuden qalamız.

“The Qazaq Times”