قازاقستاننىڭ ەڭبەك نارىعىنداعى جاستاردىڭ ۇلەسى ازايىپ بارادى. وسى جىلدىڭ 2 توقسانىنداعى ناتيجە بويىنشا 15-28 جاس ارالىعىنداعى ەكونوميكالىق بەلسەندى حالىقتىڭ سانى 2,1 ملن ادامدى قۇرادى. ال ءبىرىنشى توقساندا ولاردىڭ سانى 2 ملن شاماسىندا بولعان. مۇنداي مالىمەتتى Ranking.kz اگەنتتىگى كەلتىرىپ وتىر.
بۇل قازاقستاننىڭ ەڭبەككە قابىلەتتى جاستار سانىنىڭ 14 جىلداعى ەڭ تومەنگى كورسەتكىشى. 2016 جىلدىڭ 2 توقسانىمەن سالىستىرعاندا ولاردىڭ سانى 6,9%-عا تومەندەگەن. جۇمىس كۇشىندەگى جاستاردىڭ ۇلەسى 25,5%-دان 23,6%-عا دەيىن ازايعان.
ال ەكونوميكالىق تۇرعىدان بەلسەندى حالىقتىڭ سانى تومەنگى قارقىنمەن بولسا دا ارتىپ كەلەدى. ءبىر جىلدا جۇمىس كۇشى 0,5%-عا نەمەسە 48 مىڭ ادامعا ارتقان.
ال جالدامالى جۇمىستا جاستاردىڭ سانى ايتارلىقتاي ازايعان. مىسالى ءبىر جىل ىشىندە 15-28 جاس ارالىعىنداعى جالدامالى جۇمىسشىلاردىڭ سانى 9,1%-عا نەمەسە 153,5 مىڭ ادامعا كەمىگەن.
سەبەبى ەكونوميكالىق بەلسەندى جاستار ءوزىن جۇمىسپەن قامتۋ باعىتىن ءجيى تاڭداعان. ءبىر جىلدا ءوزىن جۇمىسپەن قامتىعان قازاقستاندىق جاستاردىڭ سانى 1,1%-عا نەمەسە 5,2 مىڭ ادامعا وسكەن.
ايتا كەتەيىك، رەسمي ستاتيستيكاعا سۇيەنسەك قازاقستاندا جۇمىسسىزدار سانى 4,9%-دى قۇرايدى. الايدا بەيرەسمي ستاتيستيكا مەن كۇندەلىكتى جۇمىسسىز جۇرگەن ادامداردى كورگەندە ولاردىڭ سانى وسىنشا از كورسەتكىشكە يە ەكەنىنە سەنۋدەن قالامىز.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى