Foto: Comode.kz

 QR Densaulıq saqtau ministrligi osı jıldıñ soñına deyin barlıq därilik zattarğa bağanı retteu jüyesin engizui qajet. YAğni ministrliktiñ normativtik qwqıqtıq aktileri (NQA) qabıldanğannan keyin därilik zattardıñ bağaları retteledi. Bwl turalı QR Densaulıq saqtau ministrliginiñ baspasöz qızmeti habarladı.

"Qazirgi uaqıtta barlıq därilik zattarğa şekteuli bağa qalıptastıru ädisi jasaqtaldı. «Halıq densaulığı jäne densaulıq saqtau jüyesi» QR Kodeksi men QR Käsipkerlik kodeksine  Ministrlikke barlıq därilik zattardıñ bağasın retteu qwzıretin beru böliginde tiisti özgerister engiziledi. Zañ jobasın äzirleu jöninde jwmıs tobı qwrıldı, Jol kartası bekitildi jäne twjırımdama äzirlenip, NQA saytta aşıq talqılauğa wsınıldı, sonday-aq, tirkelgen NQA «Atameken» wlttıq käsipkerler palatasına kelisuge jiberildi", - delingen baspasöz habarlamasında.

Bwdan bölek vedomstvo alğaşqı medicinalıq-sanitarlıq kömek (AMSK) körsetetin medicinalıq qızmetkerlerdiñ jwmıstarın jeñildetu üşin eseptik jäne esepke alu nısandarı 30 payızğa azaytılğanın mälimdedi.

Ayta keteyik, 2015 jılı teñge erkin aynalımğa jiberilgennen keyin däri-därmektiñ bağası 30 payızğa deyin qımbattağan. Osıdan keyin Ükimet däri bağasın retteu jwmıstarın qolğa ala bastadı.

“The Qazaq Times”