قر دەنساۋلىق ساقتاۋ مينيسترلىگى وسى جىلدىڭ سوڭىنا دەيىن بارلىق دارىلىك زاتتارعا باعانى رەتتەۋ جۇيەسىن ەنگىزۋى قاجەت. ياعني مينيسترلىكتىڭ نورماتيۆتىك قۇقىقتىق اكتىلەرى (نقا) قابىلدانعاننان كەيىن دارىلىك زاتتاردىڭ باعالارى رەتتەلەدى. بۇل تۋرالى قر دەنساۋلىق ساقتاۋ مينيسترلىگىنىڭ ءباسپاسوز قىزمەتى حابارلادى.
"قازىرگى ۋاقىتتا بارلىق دارىلىك زاتتارعا شەكتەۋلى باعا قالىپتاستىرۋ ءادىسى جاساقتالدى. «حالىق دەنساۋلىعى جانە دەنساۋلىق ساقتاۋ جۇيەسى» قر كودەكسى مەن قر كاسىپكەرلىك كودەكسىنە مينيسترلىككە بارلىق دارىلىك زاتتاردىڭ باعاسىن رەتتەۋ قۇزىرەتىن بەرۋ بولىگىندە ءتيىستى وزگەرىستەر ەنگىزىلەدى. زاڭ جوباسىن ازىرلەۋ جونىندە جۇمىس توبى قۇرىلدى، جول كارتاسى بەكىتىلدى جانە تۇجىرىمداما ازىرلەنىپ، نقا سايتتا اشىق تالقىلاۋعا ۇسىنىلدى، سونداي-اق، تىركەلگەن نقا «اتامەكەن» ۇلتتىق كاسىپكەرلەر پالاتاسىنا كەلىسۋگە جىبەرىلدى", - دەلىنگەن ءباسپاسوز حابارلاماسىندا.
بۇدان بولەك ۆەدومستۆو العاشقى مەديتسينالىق-سانيتارلىق كومەك (امسك) كورسەتەتىن مەديتسينالىق قىزمەتكەرلەردىڭ جۇمىستارىن جەڭىلدەتۋ ءۇشىن ەسەپتىك جانە ەسەپكە الۋ نىساندارى 30 پايىزعا ازايتىلعانىن مالىمدەدى.
ايتا كەتەيىك، 2015 جىلى تەڭگە ەركىن اينالىمعا جىبەرىلگەننەن كەيىن ءدارى-دارمەكتىڭ باعاسى 30 پايىزعا دەيىن قىمباتتاعان. وسىدان كەيىن ۇكىمەت ءدارى باعاسىن رەتتەۋ جۇمىستارىن قولعا الا باستادى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى