Tramp: Soltüstik Koreya özin wstay bilgeni eñ abzal

AQŞ pen Soltüstik Koreya arasında bir-birine bağıttalğan ses körsetip, aybar şegu, eskertuler men ayıptau sözderin joldau tolastar emes. Osı aptada AQŞ prezidenti Donal'd Tramp Soltüstik Koreyağa qarata jasağan eskertuinde: «Eger KHDR AQŞ-qa qauip töndirgenin toqtatpasa, onı tek qana swrapıl ört kütip twr» degen edi. Al, keşe söylegen sözinde bwl eskertuiniñ aytarlıqtay qatañ bolmağanın alğa tarttı. Ol aldınğı eskertuine üsteme retinde: «Soltüstik Koreya özin özi wstay bilgeni eñ abzal. Olay bolmağanda bir emes birneşe eldiñ qatañ soqqısına tap boladı», – dedi. Bwl turalı AQŞ-tıñ tanımal basılımı «The Wall Street Journal» basılımı habarladı.

Tramp sözinde: «Qazir keybir adamdar AQŞ jäne özge odaqtas elderdiñ ornınan öre türegeletin kezi jetti dep qaraydı. Bwlardıñ qaytarım jauabı äueldegiden älde qayda qatañ bolatını anıq. Biz bwnı jüre köretin bolamız», – dedi. Bwl AQŞ ükimetiniñ Soltüstik Koreyanıñ yadrolıq bağdarlamasına qaratqan eñ jaña eskertuleriniñ biri.

Tramp AQŞ qarulı küşteri öziniñ wstanımın tolıqtay qoldaydı dep qaraydı. Prezident Tramp bir jaqtılı köşbasşınıñ pärmenimen, soğıs qozğau mümkindigiñiz bar ma degen swraqqa, «Olay dey almaymın, men eşqaşan oğan jauap bere almaymın» dedi. Sonımen birge ol amerikalıqtarğa alañsız bolsın dep kepildik berdi. Eger Soltüstik Koreya aldımen soğıs qozğaytın bolsa AQŞ pen onıñ odaqtastarı bwl istiñ jauabın kelistirip alatının, äri, istiñ Soltüstik Koreya oylağan bağıtqa damımaytının ayttı.

“The Qazaq Times”