Hummer äskeri kölikteri. Foto: TurkishNY.com.

Türkiya aqparat qwraldarı AQŞ-tıñ DAIŞ wyımımen küresti sıltau etip, Süriyadağı bölşekteuşi terrorlıq wyım PKK/PYD qarulı toptarına äskeri kömek körsetti dep ayıptadı. Bwl turalı «Anatolı» aqparattıq agenttiginiñ resmi saytı jazıp otır.

7 tamız tünde AQŞ-tıñ 112 äskeri köligi Rakkanıñ soltüstigindegi  PKK/PYD bölşekteuşi terrorlıq wyımına jetkizilgen. «Anatolı» agenttiginiñ öñirdegi tilşisi bergen mälimette, bwl äskeri kölikter Irak şekarasınan kirip, atalğan wyımnıñ baqılauındağı Haske jerine jetkizilgen.

AQŞ-tıñ bölşekteuşi terrorlıq toptı qoldağanı turalı Resey, Iran, Türkiya qatarlı elder bwdan bwrında aytıp kelgen. Kürd jasaqtarınan qwralğan bwl qarulı top, Süriya men Iraktağı quattı qarulı toptardıñ eleulisi. Bwl ret kölik tasımal kerueninde AQŞ qarulı küşteri paydalanatın «Hummer» jol tañdamaytın kölikterin, şağın jäne orta twrpattı soğıs kölikteri terrorlıq wyımğa jetkizilgen.

Terrorizmmen küresudi sıltau etip, alpauıt elder öziniñ müddesine äreket etetini aydan anıq. PKK/PYD ğana emes, DAIŞ, Taliban, äl-Kaida, tağı basqa tolıp jatqan terrorlıq toptardıñ bäri de AQŞ, Resey jäne Europa elderiniñ äskeri kölikteri men qaru-jaraqtarın paydalanıp keledi.

“The Qazaq Times”