Foto: techvesti.ru

Wşqışsız wşaqtarğa auısudan äue komaniyaları jılına tek qarajat ünemdep qana qoymay, wşu qauipsizdiginiñ deñgeyin joğarılata aladı. Mwnday pikirge UBS sarapşıları kelgen.

Sarapşılardıñ bağalauı boyınşa, äue tasımaldauşıları avtomattı jüyemen basqarılatın äue laynerlerine ötu arqılı jılına 35 mlrd dollar ünemdey aladı eken.  Financial Times basılımınıñ jazuınşa, mwnday jağdayda kompaniyalar wşqıştarğa eñbekaqı tölemeydi,saqtandıru men jağarmay otınına ketetin şığındar azayadı.

Degenmen avtopilottı wşaqtardıñ qoldanısta boluın jolauşılar asa qalamaytın körinedi. Sebebi jaqında jürgizilgen saualnama boyınşa 8 mıñ respondenttiñ 54 payızı robot basqaratın wşaqtarğa otırmaytındarın mälimdegen. Tek 17 payızı ğana osınday wşularğa kelisetinin aytqan.

Al AQŞ-tıñ Boeing Co. aeroğarıştıq tobı  bwrın osı tehnologiyalardı jasauğa qızığuşılıq tanıtqanın aytsa, ötken aptada olar wşaqtağı borttıq radioelektrondıq apparaturanı jasap şığarumen aynalısıp jatqandarın habarlağan.

Qazirgi kezde komerciyalıq wşaqtardıñ wşqıştarı wşu, qonu jäne basqada operaciyalardı orındau kezinde komp'yutelik jüyeni belsendi paydalanadı. UBS sarapşılarınıñ sözinşe, äue kompaniyalar endi kommerciyalıq reystegi eki wşqıştıñ bireuin qısqartadı, osılayşa ekinşi wşqış jerdegi dispetçerlik punkt arqılı wşu kezindegi basqaru jwmıstarına kömektesui mümkin.

Ayta keteyik, soñğı kezde robottandıru jüyesi jıldam damıp keledi. Tiisinşe, bwl adamzattıñ eñbek qabiletine qauip töndiredi. Sebebi robottar jwmıs istegen jerde adamdardıñ eñbegi qajetsiz bolatını belgili.

 “The Qazaq Times”