Foto: kazatomprom.kz

«Astana EKSPO-2017» halıqaralıq körmesi şeñberindegi «Atom energiyasınıñ älemi» pavil'onında «Qazatomönerkäsip» WAK» AQ men Cameco Corporation, Uranium One Inc., CGN jäne AREVA kompaniyaları arasında memorandumdarğa qol qoyıldı. Bwl turalı kompaniyanıñ baspasöz qızmeti habarladı. 

Taraptar birlesken käsiporındardağı avtomattandıru, cifrlandıru jäne robottandıru salasında Big Data, zattar interneti, additivtik tehnologiyalar, 3D ülgileu jäne bwlttı tehnologiyalar jönindegi jobalardı äzirleuge nietti.

«Bizdiñ barlıq käsiporındarımız cifrlandıruğa köşedi, robottandıru elementterin qoldanıp, mol derekterdi taldau arqılı jwmıs jürgizetin boladı», - dedi Qazatomönerkäsip Basqarma törağası Asqar Jwmağaliev.

Qazirgi kezde wlttıq atom kompaniyası «Industriya 4.0» twjırımdamasın iske asıru boyınşa jwmıstar atqaradı. YAğni Qazatomönerkäsipte uran öndirisiniñ negizgi bağıttarın keşendi avtomattandıru jürip jatır. «Industriya 4.0» üşin twğırnama bolatın Cifrlıq keniş, ERP (käsiporın resurstarın josparlau), Josparlaudıñ biriktirilgen jüyesi, Jağdayattıq ortalıq jobaları iske qosılğan.

"The Qazaq Times"