Şilde ayında mindetti äleumettik medicinalıq saqtandıru jüyesi boyınşa 0,8 mlrd teñge köleminde jarna tüsti. Bwl turalı QR Densaulıq saqtau ministri Eljan Birtanov Wlt josparınıñ 80 qadamın iske asıruğa bağıttalğan «Mindetti äleumettik medicinalıq saqtandırudı engizu» turalı QR Ükimetinde ötken brifingte  mälimdedi.       

Vedomstva basşısınıñ aytuınşa, boljam boyınşa 2017 jılı 23 mlrd teñge köleminde mindetti saqtandıru jarnası tüsui tiis. Onıñ 95% jwmıs beruşilerdiñ audarımdarı bolsa, 5% jarnalarğa tiesili bolmaq.

Äleumettik medicinalıq saqtandıru qorınıñ mälimeti boyınşa, 2017 jıldıñ şildesinde jüyege tüsken qarjı kölemi 800 mln teñgege juıqtağan.

Tüsimderdiñ basım böligi yağni 44% osı jıldıñ İİ jartıjıldığındağı avanstıq tölemderi esebinen jinalğan.

Audarımdar men jarnalardı töleu boyınşa aldıñğı orında Şığıs Qazaqstan, Qarağandı, Qostanay jäne Almatı oblıstarı twr.

Ayta keteyik,  mindetti äleumettik medicinalıq saqtandıru jüyesi 2017 jıldıñ 1 şildesinen bastap iske qosılğan bolatın. Biıl audarımdar men jarnalardı jwmıs beruşiler, jeke käsipkerler men azamattıq-qwqıqtıq sipattağı kelisimşart negizinde eñbek etetin azamattar töleydi.

Osı normağa säykes, jwmıs beruşi ay sayın qaramağındağı jwmısker jalaqısınıñ 1% köleminde audarım audaradı. Biraq audarım soması 3668,9 mıñ teñgeden aspauı tiis (bwl – 15 tömengi aylıq jalaqınıñ 1%).

Jeke käsipkerler men osı sanatqa jatqızılğan jeke menşik advokattar jäne notariustar, käsibi mediatorlar da jarnanı 2017 jıldıñ 1 şildesinen bastap audaradı. Bwl sanattağılar jarnası 2 tömengi aylıq jalaqınıñ 5 payızın nemese 2017 jıl üşin 2445,9 teñgeni qwramaq. Sonımen qatar jeke käsipkerler qaramağındağı jwmıskerler üşin jwmıs beruşi retinde jarna audaradı.

Sonımen qatar, 1-şildeden bastap azamattıq-qwqıqtıq kelisimşart negizinde eñbek etetin jwmıskerler de jarna audaruğa mindetti. Bwl top tapqan tabısınıñ 5 payızı köleminde jarna audaradı. Degenmen atalğan sanattağı azamattardıñ jarna esepteletin tabısınıñ eñ joğarğı mölşeri 15 tömengi aylıq jalaqıdan aspauı tiis.

Sonday-aq, 2018 jıldıñ 1 qañtarınan bastap saqtandıru jüyesine memleket pen özin-özi jwmıspen qamtığandar qosıladı. Memleket jeñildigi bar 14 sanattağı 10 mln azamat üşin jarna töleydi.Atap aytqanda, MÄMS jüyesinde tegin saqtandırılandar balalar, zeynetkerler, mügedekter, jwmıssız retinde resmi tirkelgender jäne t.b.

Saqtandırılğan azamattar MÄMS paketi şeñberindegi medicinalıq kömekti 2018 jıldan bastap paydalana aladı. Sol kezge deyin jekemenşik klinikalarmen jäne memlekettik emdeu mekemelerimen medicinalıq qızmet körsetu turalı kelisimşarttar bekitilip bitui tiis.

“The Qazaq Times”