QR Prem'er-ministri Baqıtjan Sağıntaev pen Qarağandı oblısınıñ äkimi Erlan Qoşanov. Foto: karaganda-region.gov.kz

Qarağandı oblısınıñ äkimi Erlan Qoşanov QR Prem'er-ministri Baqıtjan Sağıntaevpen ötken jinalısta oblısta jüzege asırılatın jobalar turalı aytıp, olarğa Ükimet tarapınan qoldau körsetudi swradı. Bwl turalı oblıs äkimdiginiñ baspasöz qızmeti habarladı. 

Onıñ sözinşe, Qarağandı oblısında klinikalıq emhanağa jaña ğimarat qajet.

"Qazirgi nısannıñ bölimderi 1940-60 jıldarı salınğan jäne zamanaui talaptarğa say kelmeydi. Qazir 300 orınğa şaqtalğan jaña köpprofil'di auruhana qwrılısınıñ smetalıq qwjattarı äzirlenip jatır. Jer aumağı bölindi. Respublikalıq byudjetten 3 jılğa qarajat böludi qarastırudı swraymın. Tağı bir qordalanğan mäsele – oblıstıq onkologiyalıq dispanserge jaña ota jasau böligi qajet. Qwrılıstıñ qwnı jobamen – 2,5 mlrd teñge. Bwl mäseleni şeşude de memleketten kömek swraymız", - dedi Erlan Qoşanov.

Sonday-aq, äkimniñ aytuınşa, Qarağandı oblısında äleumettik twrğın üyler, mädeniet jäne biznes nısandarın salu josparı bar. Alayda jılu quatınıñ jetkiliksizdiginen onı jüzege asıru mümkin bolmay otır eken. Üşinşi JES talap etiletin kölemmen qamtamasız etuge dayın, tek tasımaldau üşin 2 şaqırım jılu qwbırların salu qajet. Ol äleumettik, äkimşilik nısandardı jäne qalanıñ jaña audanın jılumen qamtamasız etuge mümkindik beredi. Joba qazir äzirlenude. Qajet etetin investiciya soması - 12 milliard teñge.

Bwdan bölek, Erlan Qoşanov  birqatar eldi mekenderdi auız sumen qamtamasız etu mäselesin de kötergen.

Ayta keteyik, Erlan Qoşanov aytqan mäseleler tek Qarağandı oblısında ğana emes. Är oblısta su tapşılığı, emhanalardıñ jetispeuşiligi, jol mäseleleri jetip artıladı. Al olardıñ aldın alıp, rettep jatqan Ükimet ökilderi sausaqpen sanarlıq. Tek "qwrğaq" esep beruden jañılmaymız.

“The Qazaq Times”