Foto: YouTube

Ukraina prezidenti Petr Poroşenko Gruziyanıñ bwrınğı basşısı, Odessa oblısınıñ eks-gubernatorı Mihail Saakaşvilidi Ukraina azamattığınan şığarıp tastauğa baylanıstı jarlıq şığardı dep jazadı Ukraina memlekettik köşi-qon qızmetiniñ saytı.

Petr Poroşenkonıñ öziniñ resmi saytında Saakaşvilidi Ukraina azamattığınan şığarıp tastau jayında eşqanday material jariyalanbağan.

Mihail Saakaşvili Odessa oblısınıñ gubernatorı qızmetinen 2016 jıldıñ küzinde Poroşenkoniñ qatañ sınınan keyin ketken bolatın. Qazirgi tañda Gruziyada onıñ üstinen qılmıstıq is qozğalğan.

Bwl jayında şildeniñ 26 küni Ukraina parlamentiniñ deputatı Igor' Mosiyçuk: «Iä bwl ras. Saakaşvili Ukraina azamattığınan şığarıp tastaldı. Petr Poroşenko osı qadamı arqılı öz qatelikterin moyınday bastağan siyaqtı» - dedi.

Petr Poroşenko Mihail Saakaşvilige Ukraina azamattığın 2015 jıldıñ 30 mamır küni berip, sol küni Odessa oblısınıñ gubernatorı qızmetine tağayındağan edi. Gubernator bolıp tağayındala salğan künnen bastap, Saakaşvili jergilikti elitamen qaqtığısa bastağan bolatın. Ol tipti Petr Poroşenko mañında jürgenderdiñ barlığan jemqorlar dep ayıptağan edi.

2016 jıldıñ 7 qaraşa küni Mihail Saakaşvil öziniñ otstavkağa ketuin: «Odessa oblısı Kievtegi jemqorlar orındarınan ketken küni ğana damitın boladı. Olar el aumağındağı, onıñ işinde Odessa oblısındağı barlıq bassızdıqtar pen banditizmdi qolap otır. Sol üşin men otstavkağa ketip, küresudiñ jaña kezeñin bastamaqpın» - dep tüsindirgen bolatın.

Mihail Saakaşvili 2008-2013 jıldarı aralığında Gruziya prezidenti qızmetin atqarğan. Prezidenttik qızmetten ketkennen keyin Gruziyada onıñ üstinen birneşe qılmıstıq is qozğağan bolatın. Osığan baylanıstı resmi Tblisi Ukrainadan Saakaşvilidi ekstradiciyalaudı swrağan edi. Biraq Kiev biligi Mihail Saakaşvili Ukraina azamatı bolğandığına baylanıstı Gruziyanıñ bwl ötinişin orınday almaytındığın aytqan edi.

Şildiniñ 25 küni Mihail Saakaşvili öziniñ Feysbuk paraqşasında "qazirgi tañda AQŞ-ta ekendigin" aytıp, habarlama jazğan. Osığan baylanıstı Ukraina Joğarğı radasınıñ deputatı, Petr Porşenko blogınıñ müşesi Sergey Leşenko: «Petr Poroşenkonıñ  josparı AQŞ-ta jürgen Saakaşvilidi Ukraina azamattığınan şığaru arqılı el aumağına kirgizbey tastau. Egerde ol Ukraina jerine keletin bolsa, onda onı Borispolğa qonğan birinşi reyspen Gruziyağa ekstradiciya jasaytın bolsamız» - dep Feysbuk paraqşasına jazğan.

Mihail Saakaşvili Ukraina azamattığınan şığarğannan keyin öziniñ Feysbuk paraqşasına: «Elde jaña sayasi küşterdiñ bas kötere bastauına baylanıstı Poroşenko osınday öreskel qatelikterge barıp otır» - dep jazdı.

Ayta ketetin bir jayt Mihail Saakaşvili gubernatorlıq qızmetten ketkennen keyin Ukrainada «Ruh novıh sil» qozğalısın qwrğan bolatın. Qazirgi tañda bwl qozğalıs Ukraina aumağında küş ala bastağan.

“The Qazaq Times”