Şekaradağı Qıtay jäne Ündistan äskerleri. Foto: South China Morning Post.

Qıtay men Ündistan arasındağı kirbeñdik uşığıp twr. Bwnıñ bastı sebebi, eki eldiñ öñirdegi müdde qayşılığınıñ teke-tireske tüsui. Ündistan men Qıtay arasında ekijaqtı kelisimge qol jetkize almağan şekara sızığı da bir şama köp. Sondıqtan da eki el arasında şekaralıq dau-damay jii tuıp keledi. Qıtaydıñ Oñtüstik-Şığıs jäne Oñtüstik Aziyadağı ıqpal köleminiñ artuı da Ündistan men Qıtay arasına jaña qayşılıqtar alıp keldi.

24 şilde küni Qıtay Qorğanıs ministrliginiñ resmi mälimdemeşisi U Şien arnaulı baspasöz konferenciyasında: «Aldağı uaqıtta Qıtay jaq Ündi-Qıtay şekarasındağı äskeri oqu-jattığuların küşeytedi», – dep mälimdedi. Onıñ aytuınşa bwnday äskeri oqu-jattığular  Qıtay egemendigi men territoriya twtastığın qorğau üşin kerek bolıp otır eken.

South China Morning Post  saytınıñ jazuınşa, atalğan konferenciyada U Şien: «Ündistannıñ şekara aumağındağı jasap otırğan äreketteri şekten şığuda. Biz olarğa qwr qiyalğa salınbaudı qatañ eskertemiz. Gaz jetkizudi nemese özge de sıltaulardı alğa tartıp bir taudı tesu qiın emes, alayda Qıtay Azattıq armiyasın jeñu qiın», – degen. Ol tağı bir sözinde: «Ündistan ükimeti baysaldı qadamdar jasap, jasalğan qatelikterinen uaqıtında bas tartuı kerek. Eki el arasında qauipsizdikti qorğau üşin provokaciyalardı toqtatuı tiis», – degen eskertuin jasadı.

Osığan deyin de Qıtay Qorğanıs ministrligi Ündistan qarulı küşterin şekara işine qaray şegindiruin talay märte eskertken bolatın.

“The Qazaq Times”