Foto: Kazinform

«Nwrlı jer» bağdarlaması ayasında jaña twrğın üydi satıp alğan kezde halıq üşin ipotekanıñ narıqtıq mölşerlemesin tömendetu maqsatında Ipotekalıq qarızdardı subsidiyalauğa Wlttıq qordan 10 mlrd teñge bölindi, dep habarlaydı QR investiciyalar jäne damu ministrliginiñ baspasöz qızmeti. 

«Respublikanıñ 6 aymağında  (Astana men Almatı qalaları, Batıs Qazaqstan, Mañğıstau, Şığıs Qazaqstan, Aqmola oblıstarı) jaña twrğın üy satıp alu üşin halıqqa jeñildikpen ipoteka beru bastaldı. Bügingi küni 7 ekinşi deñgeyli bank (Sberbank, ATFbank, BankCentrKredit, BankRBK, Tengri bank, «JSSBK» AQ, Cesnabank) bağdarlamağa qatısuğa dayın. Onıñ işinde 4 ekinşi deñgeyli bank 30 mlrd teñge (jospar 120 mlrd. teñge) somasında 2 mıñ (jospar 8 mıñ) qarız berudi boljap otır»,-dedi QR Investiciyalar jäne damu ministri Jeñis Qasımbek Qazaqstan Respublikası Ükimetiniñ otırısında.

Bağdarlamanıñ törtinşi bağıtı boyınşa (jeke qwrılıs saluşılardı twrğın üy saluğa ıntalandıru) qwrılıs saluşılardıñ kreditterin subsidiyalau üşin Wlttıq qordan tağı 11 mlrd teñge bölindi.

«Ekinşi deñgeyli bankter (Sberbank, ATF bank, BankCentrKredit, Tengribank, Cesnabank, Nwrbank, Evraziyalıq bank) kredit beru üşin qwrılıs saluşılardıñ 17 jobasın qarap jatır. Qarız 53,6 mlrd teñgeni qwraydı. 2018-2019 jıldarı osı jobalardı iske asıru esebinen  282 mıñ şarşı metr twrğın üydi (403 mıñ päterdiñ 70%-ı) paydalanuğa beru josparlanıp otır. Joba 8 öñirde (Astana men Almatı qalaları, Aqtöbe, Atırau, Jambıl, Oñtüstik Qazaqstan, Qostanay, Batıs Qazaqstan oblıstarı) iske asırılıp jatır»,-dedi vedomstvo basşısı.

Ayta keteyik, QR Prezidenti Nwrswltan Nazarbaev jıl sayınğı dästürli joldauında "Wlttıq qor qarajatın paydalanuğa wtımdılıq twrğısınan qarağan jön" degen. Onıñ sözinşe, Wlttıq qordan alınğan kepildendirilgen transfert kölemi 2020 jılğa qaray kezeñ-kezeñ boyınşa 2 trillion teñgege qısqartıluğa tiis.

“The Qazaq Times”