Foto: mestopodsolntsem.ru

Osı jıldıñ mamır ayında Qazaqstanda ipotekalıq kredit kölemi birden artıp, 13,4 payızğa nemese 118 mlrd teñgege köbeygen. Mwnday mälimetti  Ranking saraptama agenttigi keltirip otır. 

Agenttiktiñ mälimetinşe, bir aydağı ipotekalıq kredittiñ mwnşa joğarı därejede boluı soñğı bes jılda bayqalmağan. Soñğı ret 2012 jıldıñ mamırında ekinşi deñgeyli bankterdiñ ipotekalıq krediti säuir ayına qarağanda 120 mlrd teñgege artqan. Al ötken jılğa män bersek, bir aydağı ösim bar bolğanı 6,9 mlrd teñge nemese 0,8 payız bolğan.

Ipoteka narığınıñ jandanuı jıljımaytın mülik ob'ektileri satılımınıñ köbeyuimen baylanıstı. Öytkeni osı jıldıñ birinşi jartısında twrğın üylerdi satu jäne satıp alu boyınşa 111 800 kelisim jasalğan jäne bwl ötken jıldıñ säykes kezeñine qarağanda 27,3 payızğa joğarı.

Ipotekalıq kreditti jii alğandar ädettegidey Almatı twrğındarı. Bir ayda ipoteka boyınşa alınğan kredit kölemi 44,5 mlrd teñgege nemese 17,4 payızğa artqan. Nätijesinde Almatı qalasınıñ ipoteka narığındağı ülesi 29,9 payızğa deyin ösken.

Astana twrğındarı ipoteka alu boyınşa ekinşi orında. Bas qalada ipotekağa jwmsalğan qarajat 16,3 mlrd teñgege artqan. Alayda öñirdegi qarız portfeliniñ kölemi Almatığa qarağanda tömen.

Al üşinşi orında Qarağandı oblısı. Bwl oblısta twrğındarğa berilgen ipotekalıq kredittiñ kölemi 12,2 mlrd teñgege nemese 28 payızğa artqan. Qazaqstannıñ ipoteka narığındağı oblıstıñ ülesi 5 payızdan 5,6 payızğa deyin wlğaydı.

Ayta keteyik, 2015 jıldıñ tamızınan bastap dollar bağası kürt köterilgennen keyin köptegen bankter ipoteka berudi toqtatqan. Sonday-aq, dollar ekvivalentimen ipotekalıq kredit alğan azamattardıñ qarızdarı qayta qarjılandırılğan bolatın.

“The Qazaq Times”