Foto: Kapital.kz

Qazaqstanda onlayn kredit alu qızmetin er adamdar jiirek paydalanadı. 2017 jıldıñ birinşi jartı jıldığında olardıñ ülesi 53 payızdı qwrağan. Al 2016 jıldıñ 12 ayındağı körsetkiş -  51 payız. Mwnday mälimetti MoneyMan.kz kompaniyası keltirip otır.

Zertteu nätijesi boyınşa qarız aluşılardıñ köbi eñbekpen qamtılğan jäne jeke käsippen aynalısadı. Olardıñ ay sayınğı kirisi 120 mıñ teñgeden asadı.

Sonday-aq, onlayn qarız alatındardıñ qalğanı 18-30 jas aralığındağı jastar. 2016 jılı mwnday klientterdiñ ülesi 52,4 payız bolğan. Osı jıldıñ jartısında-aq olardıñ 56,6 payızı onlayn kredit räsimdegen. Al 31-40 jas aralığındağı onlayn qarız lauğa beyim jäne olardıñ ülesi - 26 payız. 50 jastan ülkender qarız aludıñ bwl türine asa qızığuşıdıq tanıtpaydı.

MoneyMan.kz kompaniyasınıñ aqparatınşa, internet arqılı kredit räsimdeytinderdiñ 50,6 payızı nekelespegen. Alayda 2017 jılı resmi nemese azamattıq nekede twrğandardıñ 2,4 payızı osı qızmetti jii paydalanğan. Nätijesinde onlayn qarız alğandardıñ arasında olardıñ ülesi 49,4 payızdı qwraydı jäne teñ jartısınıñ balaları joq.

Sonday-aq, onlayn kredit aluşılardıñ jartısınan köbi (55,3 payız) joğarı bilimdi. 6,7 payızınıñ akademiyalıq därejesi bar.  18,3 payızı JOO-da bilim alıp jatqandar. Al arnayı orta bilimi barlardıñ ülesi 24 payız, orta bilimdiler - 2,4 payız.

Bwdan bölek onlayn kreditti köbine jwmısı qarjı nemese qwqıq salasımen baylanısı bar qızmetkerler paydalanadı. 2017 jılı mwnday kredit aluşılardıñ ülesi 17,3 payızdı qwrağan.

“The Qazaq Times”