Il'ya P'yanzin. Foto: kommersant.ru

Resey prezidenti Vladimir Putinge qastandıq wyımdastırğan qazaqstandıq Il'ya P'yanzin odan keşirim swradı.

33 jastağı Qazaqstan azamatı Il'ya P'yanzin 2013 jılı Resey prezidenti Vladimir Putinge qastandıq wyımdastırğanı üşin 10 jılğa bas bostandığınan ayırılğan bolatın.

P'yanzin keşirim hatında Putinnen «Qastandıq jeke sizge bağıttalğan soñ. Keşirimdi de jeke öziñizden swraudı jön kördim» - degen. Biraq P'yanzinniñ Putinge jazğan hatı prezidentke jetedi me, jetpeydi me ol jağı äzirge belgisiz. Sebebi ol keşirim hattı birinşi Il'ya P'yanzin jazasın ötep jatqan №26 kaloniya basşılığı men Samara oblısı gubernatorına qarastı arnayı komissiya qaraytın boladı.

Esteriñizge salayıq Il'ya P'yanzin 2012 jılı Reseyde tıyım salınğan «Imarat Kavkaz» terrorlıq wyımına müşe Şeşenstan azamattarı Adam Osmaev jäne Ruslan Madaevpen birigip Vladimir Putinge qastandıq jasamaqşı bolğan.

2012 jıldıñ qañtar ayında Madaev qoldan jasalğan jırılğış zattı sınaqtan ötkizu barısında köz jwmıp, P'yanzin jaraqat alıp auruhanağa tüsken. Al Osmaev qaşıp ketken edi. Keyinen Osmaev pen P'yanzindi Ukrainanıñ Odessa qalasında jasırınıp jürgen jerlerinen jergilikti policiya qızmetkerleri wstap qamauğa alğan bolatın.

2012 jılı Ukraina ükimeti P'yanzindi RF swrauı boyınşa Reseyge ekstradiciyalap, ol RF Qılmıstıq kodeksiniñ 277, 209, 222 jäne 223 baptarı boyınşa kinäli dep tabılıp 10 jılğa bas bostandığınan ayırılğan bolatın. Al Osmaev Europanıñ adam qwqıqı jönindegi sotına arız jazıp, sot Ukrainağa Osmaevtı sayasi sebepterge baylanıstı Reseyge bermeu jöninde ükim şığarğan. Osıdan keyin Odessa qalasınıñ sotı Adam Osmaevtı zañsız qaru saqtağanı üşin 2 jıl 9 ay 14 künge sottağan bolatın.

“The Qazaq Times”