Foto: Russkaya vesna

Grand Chess Tour şahmat seriyasınıñ wyımdastıruşıları Sent-Luiste şahmat pen blic boyınşa ötetin turnirge älemniñ 13-çempionı Garri Kasparov qatısatının habarladı. 2005 jılı şahmattan ketken ol arnayı osı turnir üşin öziniñ sporttıq kar'erasın qayta jañğırtpaq.

Ülken sporttı tastağalı tek şahmattan körsetilim  oyındarında ğana öner körsetip kelgen Garri Kasparov 2010 jılğa deyin soñğı onjıldıqtağı eñ üzdik grossmeyster atanğan norvegiyalıq Magnus Karlsenniñ jeke jattıqtıruşısı boldı.

Turnirde berilgen tört wild-card-tıñ biri Garri Kasparovqa, qalğan üşeui şahmat reytinginde ekinşi orında twrğan Hikaru Nakamura,  sonday-aq Sergey Karyakin men  Vişvanatan Anand-qa tabıstaldı.

Garri Kasparov 1985 jılı tarihi jekpe-jekte Anatoliy Karpovtı jeñip, şahmattan älem çempionat atanğan edi. Onıñ 1999 jılı ornatqan 2851 balldı qwraytın rekordtı reytingin 2013 jılı öz şäkirti Magnus Karlsen ğana jañarta aldı.

“The Qazaq Times”