Foto: VVS

Şildeniñ 2 küni Süriya ortalıq banki Başar Asadtıñ sureti beynelengen 2000 süriyalıq funttı(şamamen 3,9 dollar) aynalımğa jiberdi.

Süriya ortalıq bankiniñ törağası Durayd Duramnıñ aytuınşa, Asadtıñ beynesi bar aqşanı osıdan eki-üş jıl bwrın aynalımğı jibermekşi bolğan. Biraq ol kezde elde soğıs pen inflyaciya deñgeyiniñ şarıqtap ketuine baylanısıtı bwl bastama keyinge qaldırılğan eken.

Foto: VVS

Bwğan deyin süriyalıq 1000 funttıq banknotada Başar Asadtıñ äkesi Hafiz Asadtıñ sureti beynelengen edi. Al 2000 funttıq banknot bwğan deyin aynalımda bolmağan. Hafiz Asad Süriyanı 1971-2000 jıldarı aralığında basqarğan.

2011 jılı elde azamat soğısı bastalmay twrğanda Süriyada 1 dollar 47 funt bolğan bolatın. Al qazir 1 dollar 500 funttı qwraydı.

Esteriñizge salayıq 2016 jıldıñ 1 jeltoqsanında Qazaqstanda el täuelsizdiginiñ 25 jıldığına oray Nwrswltan Nazarbaevtıñ sureti beynelengen mereytoylıq 10000 teñgelik banknota şığarğan bolatın.

Foto: proof.kz

“The Qazaq Times”