Фото: ВВС

Шілденің 2 күні Сүрия орталық банкі Башар Асадтың суреті бейнеленген 2000 сүриялық фунтты(шамамен 3,9 доллар) айналымға жіберді.

Сүрия орталық банкінің төрағасы Дурайд Дурамның айтуынша, Асадтың бейнесі бар ақшаны осыдан екі-үш жыл бұрын айналымғы жібермекші болған. Бірақ ол кезде елде соғыс пен инфляция деңгейінің шарықтап кетуіне байланысыты бұл бастама кейінге қалдырылған екен.

Фото: ВВС

Бұған дейін сүриялық 1000 фунттық банкнотада Башар Асадтың әкесі Хафиз Асадтың суреті бейнеленген еді. Ал 2000 фунттық банкнот бұған дейін айналымда болмаған. Хафиз Асад Сүрияны 1971-2000 жылдары аралығында басқарған.

2011 жылы елде азамат соғысы басталмай тұрғанда Сүрияда 1 доллар 47 фунт болған болатын. Ал қазір 1 доллар 500 фунтты құрайды.

Естеріңізге салайық 2016 жылдың 1 желтоқсанында Қазақстанда ел тәуелсіздігінің 25 жылдығына орай Нұрсұлтан Назарбаевтың суреті бейнеленген мерейтойлық 10000 теңгелік банкнота шығарған болатын.

Фото: proof.kz

“The Qazaq Times”