ءسۇريادا باشار اساد بەينەلەنگەن اقشا اينالىمعا جىبەرىلدى

فوتو: ۆۆس

شىلدەنىڭ 2 كۇنى ءسۇريا ورتالىق بانكى باشار اسادتىڭ سۋرەتى بەينەلەنگەن 2000 سۇريالىق فۋنتتى(شامامەن 3,9 دوللار) اينالىمعا جىبەردى.

ءسۇريا ورتالىق بانكىنىڭ توراعاسى دۋرايد دۋرامنىڭ ايتۋىنشا، اسادتىڭ بەينەسى بار اقشانى وسىدان ەكى-ءۇش جىل بۇرىن اينالىمعى جىبەرمەكشى بولعان. بىراق ول كەزدە ەلدە سوعىس پەن ينفلياتسيا دەڭگەيىنىڭ شارىقتاپ كەتۋىنە بايلانىسىتى بۇل باستاما كەيىنگە قالدىرىلعان ەكەن.

فوتو: ۆۆس

بۇعان دەيىن سۇريالىق 1000 فۋنتتىق بانكنوتادا باشار اسادتىڭ اكەسى حافيز اسادتىڭ سۋرەتى بەينەلەنگەن ەدى. ال 2000 فۋنتتىق بانكنوت بۇعان دەيىن اينالىمدا بولماعان. حافيز اساد ءسۇريانى 1971-2000 جىلدارى ارالىعىندا باسقارعان.

2011 جىلى ەلدە ازامات سوعىسى باستالماي تۇرعاندا ءسۇريادا 1 دوللار 47 فۋنت بولعان بولاتىن. ال قازىر 1 دوللار 500 فۋنتتى قۇرايدى.

ەستەرىڭىزگە سالايىق 2016 جىلدىڭ 1 جەلتوقسانىندا قازاقستاندا ەل تاۋەلسىزدىگىنىڭ 25 جىلدىعىنا وراي نۇرسۇلتان نازارباەۆتىڭ سۋرەتى بەينەلەنگەن مەرەيتويلىق 10000 تەڭگەلىك بانكنوتا شىعارعان بولاتىن.