Germaniya kancleri Angela Merkel'. Foto: Business Insider.

Şeteldik sarapşılardıñ közqarası boyınşa, 2017 jıl Germaniya üşin, Euroodaq jäne özge de älem elderimen qarım-qatınasta tereñ belgisizdik jaylağan jıl bolmaq. Germaniyanıñ aldında, 24 qırküyekte Federaldıq saylaudan sırt, el işinde jäne EO-da köptegen tüytkildi tüyinderge döp kelgeli twr.

Germaniyanıñ aldağı uaqıttağı şeşuge tiisti el işidegi bastı  problemaları:  Eñ aldımen, nemis qoğamınıñ bolaşaqtağı eñ ülken probleması bolğalı twrğan bosqındar integraciyası mäselesin aytuğa boladı. Oğan qosa lañkestikke qarsı küres äli de özekti boluda.  Sonday-aq oñşıl populistik küşterdiñ ösui Germaniya üşin  jaña sayasi aynımalını ortanı alıp kelgeli twr.

Germaniyağa ıqpal etetin Europa Odağındağı mäseleler: Oñşıl populistik küşterdiñ ıqpalı äli de tömendegen joq; Wlıbritaniyanıñ EO-dan şığuınıñ procesi bastalmaq; Europalıq Odaq öziniñ bolaşaqtıq jedel damu jobasın jasauı kerek.

Germaniyanıñ älemdik sayasatta döp keletin problemalar: Tramptıñ AQŞ prezident tağına keluimen, onıñ jürgizip otırğan Transatlantikalıq qatınastarda oqşaulau sayasatınıñ ıqpalı jäne eroziyası; Germaniya üşin Europa jäne jahandıq qauipsizdigi qamtamasız etu men jahandanu procesine jaña senimdi seriktes tabuı kerek.

Saylaudan keyin Germaniyanıñ işki jağdayı qalay boluına qaramastan, jaña ükimet osığan deyingi bolıp otırğan problemalardı birden rettep kete almaydı. Äsirese, migraciya mäselesi men Europa Odağınıñ aldağı tağdırı jöninde ol eldegi barlıq partiyanıñ qararı men közqarastarı birdey deuge boladı. Sondıqtan, Germaniyada ornaytın jaña ükimet te ağımdağı Angela Merkeldiñ sayasatın jalğastıruşı boladı dep boljauğa boladı.

Al, ekonomikalıq twrğıdan alıp qarağanda, Germaniya 2017 jılı nemis ekonomikası işki jäne sırtqı qısımdardan köp zardap şegedi degen boljamdar köbirek kezdesedi. Bwl jıldağı nemis ekonomikasınıñ bir ğana talğamı swranıs pen orındaudıñ üylesimdiligin saqtap otıru ğana. Degenmen İşki Jalpı Önim qwnı 1,7 payızdan 1,8 payızğa ösedi dep boljaydı Qıtay men AQŞ sarapşıları. Al, ekonomikalıq impul'sı 2017 jıldan keyin jasaladı.

Älemdik basılımdardağı, sonıñ işinde «Washington Post», «The Wall Street Journal» jäne Qıtaydıñ «Şinlañ», «Şinhua» agenttikteriniñ resmi sayttarındağı saraptamalardı qorıta kele, Europanıñ aldağı bastı problemasınıñ biri bolıp otırğan Wlıbritaniyanıñ EO-dan bas tartuınıñ bastı sebepteri mınalar dep körsetuge boladı: birinşiden, tolıqtay mädeni birlestiktiñ bolmauı; ekinşiden,  ortaq valyuta jäne egemen wlt-memleketter arasındağı qayşılıq; üşinşiden, kapitaldardıñ jeñil jäne kürdeli wqsamağan eñbek mobil'digine ağıluı men osığan wqsas kürdeli mäseleler europalıq integraciya procesine kedergi naqtı faktorlar dep aytuğa boladı.

Osılarmen qatar bastapqı «Europanıñ üş qozğauşı küşi» bolıp otırğan Wlıbritaniya, Franciya, Germaniya arasındağı köşbasşılıq qwrlımnıñ jüyesizdigi, Franciyanıñ wlttıq älsizdik tanıtuın da ağımdağı Europa jağdayın keltirip şığardı deuge negiz bar. Al, aldağı uaqıtta Germaniya sırtqı sayasatta ekonomikalıq jahandanu jäne europalıq integraciya arasındağı jaña tepe-teñdik nüktesin tabuğa mindetti bolıp otır.

“The Qazaq Times”