Memlekettik qızmetterdi alu joldarın jeñildetu maqsatında elektrondıq ükimette 1-şildeden bastap 20 qızmetti cifrlıq qoltañbasız aluğa boladı. Bir rettik qwpiyasöz arqılı beriletin alğaşqı qızmet biılğı jıldıñ säuir ayında iske qosılğan sottalmauı (sottaluı) turalı anıqtama edi.

20 qızmettiñ 15-i bir rettik qwpiyasözdi paydalanu arqılı qoljetimdi bolsa, qalğan 5 qızmet üşin portalda tirkelu jetkilikti.

Qanday qızmetter bir rettik qwpiyasöz arqılı qoljetimdi boladı?

Memlekettik organdarmen kelesi tanımal qızmetter iriktelgen: müliktiñ bolmauı (boluı) turalı anıqtama, jıljımaytın mülikti tirkeu jäne qwqıqtıñ ayaqtaluı turalı jeke twlğalarğa anıqtama beru, jıljımaytın mülikke tirkelgen qwqıqtar (tıyımdar) jäne onıñ tehnikalıq sipattaması turalı anıqtama, jıljımaytın müliktiñ tehnikalıq pasportın alu, azamattıq hal aktilerin qayta alu jäne tirkeu jäne t.b.

Qalay jwmıs jasaydı?

Bir rettik qwpiyasöz degenimiz azamat belgili bir qızmetti alu üşin swrau salğan kezde sms arqılı wyalı telefonğa keletin habarlama. Swrau saluşınıñ telefonına kelgen tekseruşi qwpiyasözdi (kod) eGov.kz portalında engizu qajet. Osı kezde paydalanuşınıñ nömiri mobil'dik azamattar bazasında tekserilip, bazadağı nömirmen säykestigi rastalıp, swrau salğan qızmetke birden jauap beriledi. Mobil'dik azamattar bazasında tirkelu üşin portalda «Jeke kabinetke» kirip «telefon» degen bağanda wyalı telefonnıñ nömirin körsetu qajet. Bwdan bölek, JSN-ğa telefon nömirin tirkeu üşin «Azamattarğa arnalğan ükimet» memlekettik korporaciyasınıñ front-keñserine baruğa boladı.

Qanday qızmetterge avtorizaciya kerek?

Otandastar därigerdi üyge şaqıru, därigerdiñ qabıldauına jazılu,  medicinalıq wyımğa tirkeuge twru siyaqtı qızmetterdi elektrondı cifrlıq qoltañbasız paydalanuğa boladı. Bwl jerde medicinalıq wyımğa tirkelgender ğana üyge därigerdi şaqıra alatının eskeru qajet.

Sonımen qatar, äskeri qızmetin ötkerudi rastau turalı anıqtama men jeñildikteri bar adamdarğa (Wlı Otan soğısına qatısuşılarğa, Çernobıl' AES-gi apattı joyuşılarğa) anıqtamalar beru qızmmetteri qoljetimdi bolmaq.

Memlekettik qızmetterdi jeñildetu jwmıstarı proaktivti memleketti damıtuğa bağıttalğan. YAğni, azamattardıñ qatısuınsız beriletin qızmetter sanı ünemi köbeyetin boladı.

“The Qazaq Times”