Foto: ontustik.gov.kz

Oñtüstik Qazaqstan oblısında swyıtılğan gaz bağası arzandadı. Sonday-aq öñirge bölinetin swyıtılğan mwnay gazınıñ kölemi 11 500 tonnağa deyin wlğaytıldı, dep habarlaydı oblıs äkimdiginiñ baspasöz qızmeti.

Bwğan Oñtüstik Qazaqstan oblısı äkimdiginiñ ökiletti organmen birlesip jürgizgen jwmıstarı nätijesinde qol jetizildi. Sonımen oblıstağı avtogazqwyu beketterindegi bağa 2017 jıldıñ basımen salıstırğanda litri 59-60 teñgeni qwrap, 7 teñgege deyin tömendetildi.

Ayta keteyik,ötken jıldıñ salıstırmalı kezeñinde Energetika ministrligi tarapınan Oñtüstik Qazaqstan oblısına 4000 tonna köleminde swyıtılğan mwnay gazı bölingen. Bwl bölingen kölem oblıstıñ swranısın tolıq qamtamasız etpey swyıtılğan gaz bağasınıñ edäuir joğarğı deñgeyde qalıptasuına alıp kelgen bolatın.

Eske salayıq,  QR 2012 jılğı 9 qañtardağı «Gaz jäne gazben jabdıqtau turalı» zañımen respublikada gaz jäne gazben jabdıqtau salasında memlekettik retteu engizilgen. Atalğan zañğa säykes, Qazaqstan Respublikasınıñ işki narığınıñ swyıtılğan mwnay gazına qajettilikterin qanağattandıru maqsatında QR Energetika ministrligi Ükimet belgilegen tärtippen, işki narıqqa jeñildetilgen bağadağı swyıtılğan mwnay gazın beru josparın bekitti.

“The Qazaq Times”