وڭتۇستىك قازاقستان وبلىسىندا سۇيىتىلعان گاز باعاسى ارزاندادى. سونداي-اق وڭىرگە بولىنەتىن سۇيىتىلعان مۇناي گازىنىڭ كولەمى 11 500 تونناعا دەيىن ۇلعايتىلدى، دەپ حابارلايدى وبلىس اكىمدىگىنىڭ ءباسپاسوز قىزمەتى.
بۇعان وڭتۇستىك قازاقستان وبلىسى اكىمدىگىنىڭ وكىلەتتى ورگانمەن بىرلەسىپ جۇرگىزگەن جۇمىستارى ناتيجەسىندە قول جەتىزىلدى. سونىمەن وبلىستاعى اۆتوگازقۇيۋ بەكەتتەرىندەگى باعا 2017 جىلدىڭ باسىمەن سالىستىرعاندا ءليترى 59-60 تەڭگەنى قۇراپ، 7 تەڭگەگە دەيىن تومەندەتىلدى.
ايتا كەتەيىك،وتكەن جىلدىڭ سالىستىرمالى كەزەڭىندە ەنەرگەتيكا مينيسترلىگى تاراپىنان وڭتۇستىك قازاقستان وبلىسىنا 4000 توننا كولەمىندە سۇيىتىلعان مۇناي گازى بولىنگەن. بۇل بولىنگەن كولەم وبلىستىڭ سۇرانىسىن تولىق قامتاماسىز ەتپەي سۇيىتىلعان گاز باعاسىنىڭ ەداۋىر جوعارعى دەڭگەيدە قالىپتاسۋىنا الىپ كەلگەن بولاتىن.
ەسكە سالايىق، قر 2012 جىلعى 9 قاڭتارداعى «گاز جانە گازبەن جابدىقتاۋ تۋرالى» زاڭىمەن رەسپۋبليكادا گاز جانە گازبەن جابدىقتاۋ سالاسىندا مەملەكەتتىك رەتتەۋ ەنگىزىلگەن. اتالعان زاڭعا سايكەس، قازاقستان رەسپۋبليكاسىنىڭ ىشكى نارىعىنىڭ سۇيىتىلعان مۇناي گازىنا قاجەتتىلىكتەرىن قاناعاتتاندىرۋ ماقساتىندا قر ەنەرگەتيكا مينيسترلىگى ۇكىمەت بەلگىلەگەن تارتىپپەن، ىشكى نارىققا جەڭىلدەتىلگەن باعاداعى سۇيىتىلعان مۇناي گازىن بەرۋ جوسپارىن بەكىتتى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى