Foto: akorda.kz

Astana qalasınıñ äkimi Äset Isekeşev  Prezidentke biılğı säuir ayında qalanı damıtuğa arnalğan keñeste berilgen tapsırmalardıñ orındaluı turalı esep berdi, dep habarlaydı aqordanıñ baspasöz qızmeti. 

Nwrswltan Nazarbaev Astana twrğındarı sanınıñ artıp kele jatqanına nazar audarıp, balabaqşalarmen jäne mekteptermen qamtamasız etu boyınşa şaralar qabıldau qajettigin atap ötti.

"Twrğındar sanı artıp keledi. Bwl rette, köşi-qon üderisin erekşe baqılauğa alu qajet. Elordada memlekettik bağdarlamamen twrğın üy beru jüyesin jönge keltiru de mañızdı, – dedi Memleket basşısı.

Astana qalasınıñ äkimi Qazaqstan Prezidentine elordanı damıtudıñ birqatar ekonomikalıq indikatorları öskenin ayttı, sonday-aq qala twrğındarınıñ ömir süruiniñ ortaşa wzaqtığı 75 jasqa jetkenin atap ötip, äleumettik sala oñ qarqınmen damıp kele jatqanına toqtaldı.

Ä.Isekeşev Prezidentke analar ölimi jäne ökpe auruı deñgeyiniñ tömendegenin ayttı.

Sonımen birge Astana qalasınıñ äkimi «Taldıköl» ağın su jinaqtauşısı ornalasqan jerdiñ qwnarlığın qalpına keltiru, jauın su ağatın käriz jüyesin jäne jol-kölik infraqwrılımın jetildiru bağıtında qabıldanğan şaralar jöninde esep berdi.

“The Qazaq Times”