Foto: kursiv.kz

Jurnalisterdiñ memlekettik organdarğa aqparat alu maqsatında joldağan swrauların jauapsız qaldırğan qızmetkerlerge endi qatañ jaza qoldanılatın boladı. Bwl turalı QR Parlamenti Mäjilisinde ötken «Qazaqstan Respublikasınıñ keybir zañnamalıq aktilerine aqparat jäne kommunikaciyalar mäseleleri boyınşa özgerister men tolıqtırular eñgizu turalı» zañ jobasınıñ talqılauında QR aqparat jäne kommunikaciyalar ministri Däuren Abaev mälimdedi.

Osı uaqıtqa deyin BAQ ökilderi tarapınan resmi organdarğa jiberilgen saualdar men hattardıñ jauap merzimi keşigip, sapasız türde keletindigi ne mülde jauapsız qalatındığı turalı sındar jii aytılıp kelgen. Ministrdiñ payımdauınşa, jaña norma memlekettik organdardıñ jauapkerşiligin arttırıp, bwqaralıq aqparat qwraldarımen äriptestikti nığaytadı.

«Barlıq memlekettik organdarda baspasözben baylanısqa jauaptı arnayı qızmetker boladı. Onıñ mindeti - bwqaralıq aqparat qwraldarı ökilderi joldağan saualdarğa tolıq, uaqıtılı äri sapalı jauap beru. Qazir jurnalisterdiñ 90 payızğa juığı resmi organdardan 3 kün işinde keletin jauaptardıñ sapasına narazılıq bildiredi. Osığan baylanıstı arnayı swraularğa jauap beru merzimi 15 künge deyin wzartıladı», - dedi ministr.

QR aqparat jäne kommunikaciyalar ministrliginiñ mälimetine säykes, 2016 jılı ğalamtor qoldanuşılarınıñ talqılanuına salınğan zañ jobasımen jwmıs tolıq aşıqtıq jäne jariyalılıq jağdayında jasalğan. Belgili ükimettik emes wyımdar, jurnalister, Wlttıq käsipkerler palatasınıñ ökilderi men Parlament deputattarı engen jwmıs tobı osı uaqıtqa deyin kelip tüsken 200-den astam wsınıstıñ 70% juığın eskerip, qwjatqa qosqan.

“The Qazaq Times”