Foto: Kapital.kz

TMD elderiniñ lañkestik wyımdarda äskeri dayındıqtan ötken 7 mıñnan astam azamattarı halıqaralıq izdeude dep mälimdedi TMD lañkestikke qarsı ortalığınıñ basşısı Andrey Novikov.

«Qazirgi tañda terroristik, ekstremistik qılmıs jasağan 7 mıñnan astam TMD elderiniñ azamattarı halıqaralıq izdeude jür. Olardıñ 2 mıñı jaldamalı sodırlar, yağni birneşe halıqaralıq terrorlıq wyımdardıñ qatarında jürip, älemniñ tükpir-tükpirinde soğısıp jürgender. Negizinen Irakta, Süriyada, Liviyada, Auğanstanda soğısıp jürgender Resey, Qazaqstan, Özbekstan, Qırğızstan, Äzerbayjan azamattarı. Olar qazir halıqaralıq lañkestik toptarda tiisti äskeri dayındıqtan ötip, TMD aumağına, atap aytqanda Soltüstik Kvkaz, Äzerbayjan, Ortalıq Aziya elderinde terrorizm otın twtandıru üşin qaytıp kelude.» - dedi Andrey Novikov BWW-nıñ qauipsizdik keñesinde ötken brifingta.

2010 jıldan bastap osı uaqıtqa deyin TMD lañkestikke qarsı ortalığı halıqaralıq izdeude jürgen 1 mıñ jaldamalı sodırdıñ qayda jasırınıp jürgenin anıqtap, 100 twtqınğa alğan. 2016 jılı lañkestik wyımdar qatarında soğısıp jürgen TMD elderiniñ 26 azamat qolğa tüsip, lañkesterge qarjı audarıp jürgen 650 jeke sçet bwğattalğan.

“The Qazaq Times”