Katar Doha. Foto: Rossiyskiy Institut Strategiçeskih.

Parsı şığanağı elderi Katarğa qaratqan dağdarıstı toqtatu üşin Dohağa resmi türde öz talaptarın joldadı. Bwl talaptardıñ arasında «äl-Jazira» arnasın jabu jäne Türkiyanıñ äskeri bazaların elden şığaru, «Mwsılman bauırlar» wyımımen bolğan baylanıstı toqtatu, Iranmen qatınastı azaytu qatarlı talaptar bar. Bwl turalı BBC arnasınıñ resmi saytı habarlaydı.

Şığanaq elderi. Foto: BBC.

5 mausımda Saud Arabiyası bastağan arab elderi Katarğa diplomatiyalıq sankciya salıp, Katar dağdarısın ornatqan bolatın. Su, qwrlıq, äue joldarın kesip tastap, şağın ğana tübekke ornalasqan köp bağıttı diplomatiyalıq qatınastağı Katarğa ekonomikalıq sankciyada saldı.

Katar dağdarısı Şığanaq jağalauı elderiniñ keñesinde, kelissözder jürgizu arqılı şeşim tabadı dep kütilgen. Osı aptanıñ basında AQŞ Memlekettik hatşısı Reks Tillerson Saud Arabiyası bastağan elderdiñ kelissöz talaptarın qoymay otırğanına tañqalıs bildirgen edi.

Endi mine Katar dağdarısın tudırğan elder öz talabın qoydı. Alayda osığan deyin Katar jağı «äl-Jazira» arnasınıñ bolaşağı Katardıñ işki isine jatatının mälimdep, bwl kelissöz talabına kirmeytinin eskertken. Al, Katardağı Türkiya äskeri bazaları turalı türik eli habarlama jariyalap, Katarmen äskeri ıntımaqtastıq, Şığanaq ornıqtılığın saqtau turalı qatarlı ister üşin Katarda türik äskerleri bolatının aytqan.

Saud Arabiyası bastağan elder «äl-Jazira» arnasınıñ oppoziciya üni retinde, aymaqtağı ıqpalınıñ artıp bara jatqanın aşıq ayttı. Sarapşılardıñ oyınşa, Katar bwl aytılğan talaptarğa kelisim bere almaydı. Sondıqtan da diplomatiyalıq dağdarıs jalğasın taba beredi dep otır.

“The Qazaq Times”