Foto: sko.gov.kz

Soltüstik Qazaqstan oblısınıñ äkimi Qwmar Aqsaqalov öñirdiñ Qoğamdıq keñes müşelerimen kezdesu barısında auıl şaruaşılığın damıtu negizgi bağıt ekenin atap ötti, dep habarlaydı äkimdiktiñ baspasöz qızmeti.

Onıñ sözinşe, oblısta halıqtıñ köpşilig auıl şaruaşılığına täueldi.

«568 652 soltüstik qazaqstandıqtıñ 318 862-i auıldıq jerlerde twradı, bwl — 56%-dan astam körsetkiş. Osınıñ özi öñirdegi halıqtıñ negizgi böligi auıl şaruaşılığına täueldi ekenin körsetedi», — dedi Qwmar Aqsaqalov.

Sonday-aq, Qwmar Aqsaqalov egistik alqaptardı ärtaraptandıruğa, mal şaruaşılığın damıtuğa jäne eñbekke aqı töleuge erekşe nazar audardı.

«Köktemgi-dala jwmıstarınıñ qorıtındısı boyınşa biıl maylı daqıldar alqabın 39%-ğa köbeytip, 200 mıñ gektarğa jetkizdik, ol respublika boyınşa maylı daqıldar köleminiñ 30,4%-n qwraydı. Sol siyaqtı Qazaqstan boyınşa jasımıq, bwrşaq, nut alqaptarı 209 mıñ gektarğa köbeydi. Bizdiñ öñirde jasımıq alqabı 2,5 ese ösip, 195,5 mıñ gektarğa jetti. Alğaş ret 4,9 mıñ gektarğa soya ektik», — dedi oblıs äkimi.

Mamandardıñ pikirinşe, öñirde jürgizilgen jwmıs Qazaqstannıñ jasımıq eguden dünie jüzinde besinşi, onı eksporttaudan törtinşi orın ielenuine mümkindik beredi.

“The Qazaq Times”