Resey jäne Franciya SİM basşıları. Foto: TRT

AQŞ äue küşteri Süriya rejimine tiesili wşaqtı atıp qwlatqannan keyin, Resey jağı AQŞ-pen jasasqan äue qauipsizdik kelisimin uaqıtşa toqtattı. Sonımen birge, Resey SİM basşısı Sergey Lavrov Franciya sırtqı ister ministrimen kezdesu kezinde ötkizilgen baspasöz jiınında Uaşingtonnan mälimdeme jasaudı kütetindigin jetkizdi. Bwl turalı «Anatolı» aqparattıq agenttigi «RIA Novosti» agenttigine silteme jasap habarladı.

Resey sırtqı ister ministri Sergey Lavrov Mäskeuge saparlay kelgen Franciya sırtqı ister ministrimen birlese baspasöz mäslihatın ötkizdi. Jiında Lavrov Süriya ükimetine tiesili soğıs wşağınıñ atıp qwlatıluına baylanıstı AQŞ jağınan mälimdeme talap etetinin ayttı. Sonımen birge bwl mäseleler öziniñ arnaulı kün tärtibine qoyılğanın aytıp ötti.

Sergey Lavrov sözinde: «Süriyadağı barlıq tarap küşteri terrorlarğa qarsı twruğa jwmıldıruı tiis. Är tarap öz jauapkerşiligin tanuı qajet. AQŞ Äue küşteriniñ Süriya wşağın qwlatuına baylanıstı mälimdeme kütemiz», – dep atap ötti. Eki el arasındağı äue qauipsizdik kelisiminiñ uaqıtşa toqtatıluı Resey jaqtıñ aldağı uaqıtta AQŞ-qa wqsas äreketke dayındalıp otırğanın tüsindiredi.

“The Qazaq Times”